ЧАНАР 45
ЧАНАР 110
ЧАНАР 46
ЧАНАР 22
ЧАНАР 67
ЧАНАР 111
ЧАНАР 96
ЧАНАР 100
ЧАНАР 100
ЧАНАР 71
ЧАНАР 47
ЧАНАР 118
ЧАНАР 127
ЧАНАР 114
ЧАНАР 41
ЧАНАР 56
ЧАНАР 19
ЧАНАР 44
ЧАНАР 155
АН-ын даргад нэр дэвшигч Д.Ганбат, Т.Энхсайхан, Д.Ганбаяр нарын зургаан хүнд үнэмлэхийг нь гардуулж өглөө
Ардчилсан Намын даргыг сонгох сунгаанд нэр дэвшигчдэд үнэмлэхийг нь өнөөдөр гардууллаа.
Тус намын даргад нэр дэвшигч УИХ-ын гишүүн Д.Ганбат "Намын даргад нэр дэвшиж байгаа нь нэр төрийн хэрэг. Хамт нэр дэвшиж буй хүмүүст хандаж хэлэхэд намын даргын сунгаанд нэр дэвшиж буй нь ардчиллын үйл хэрэгт оруулж буй чухал хувь нэмэр юм шүү гэж хэлмээр байна" гэлээ.
Харин нэр дэвшигч АН-ын Үндэсний Бодлогын Хорооны гишүүн Т.Энхсайхан "Цаг үеийн нөхцөл байдал ямар байгааг та бүхэн мэдэж байгаа. Ядуурал, төрд хулгай нүүрлэсэн цаг үед бид амьдарч байна. Ийм үед сөрөг хүчний хүчтэй дуу хоолой хэрэгтэй байгаа. Албан ёсны АН-ын даргын сунгаанд бүрэн дүүрэн итгэж байгаа учраас нэр дэвшиж байна" хэмээв.
"Намын эв нэгдэл, байр суурийг идэвхжүүлэхийн төлөө нэр дэвшиж байна"
Түүнчлэн "Сайн засаглалтын болж, дотоод ардчиллаа хангуулах, намын эв нэгдэл, байр суурийг идэвхжүүлэхийн төлөө нэр дэвшиж буй" гэдгийг АН-ын ҮБХ-ны Ёс зүй сахилга хариуцлагын бодлогын хорооны дарга Д.Ганбаяр дурдлаа.
Нэр дэвшигчид:
- АН-ын ҮБХ-ны Ёс зүй сахилга хариуцлагын бодлогын хорооны дарга Д.Ганбаяр
- УИХ-ын гишүүн, УИХ дахь АН-ын бүлгийн дарга, АН-ын ҮБХ-ны дарга Д.Ганбат
- Баянгол дүүргийн Ардчилсан намын дарга, АЗХ-ны тэргүүн, БГД-ийн ИТХ-ны төлөөлөгч Н.Болдбаатар
- Ардчилсан намын Үндэсний Бодлогын Хорооны гишүүн Т.Энхсайхан
- Чингэлтэй дүүргийн Ардчилсан намын дарга, тус дүүргийн ИТХ-ын төлөөлөгч Ж.Сугарсүрэн
- АН-ын Ерөнхий нарийн бичгийн дарга Д.Эрдэнэсувд
- Ардчилсан намын ҮБХ-ны гишүүн Л.Гүндалай нар нэрээ дэвшүүлжээ.
Нэр дэвшигч Л.Гүндалайгийн хувьд гадаадад байгаа тул үнэмлэх гардуулах үйл ажиллагаанд хүрэлцэн ирж амжаагүй гэдгийг АН-аас мэдээлэв.
АН-ын даргыг сонгох сунгаа маргааш буюу нэгдүгээр сарын 28-нд болно. Улмаар нэр дэвшигчдээс хамгийн олон санал авсан нэр дэвшигчийг Ардчилсан Намын Их хурлаас батламжилсан тогтоол гаргаж, Улсын Дээд шүүхэд бүртгүүлэх хүсэлтээ гаргах аж.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
