Коронавирусийн эсрэг вакцины нэгдүгээр тунд нийт хүн амын 69.1 хувь, хоёр дахь тунд 65.3 хувь нь хамрагдаад байна.
Харин вакцины нэмэлт буюу гурав дахь тунг улсын хэмжээнд 271,598 хүн хийлгэжээ. Энэ нь нийт хүн амын 8.3 хувийг эзэлж байна.
Монгол Улс коронавирусийн эсрэг дөрвөн төрлийн вакцинаар 12-оос дээш насны иргэдээ дархлаажуулж буй.
ХӨСҮТ-ийн судалгаагаар вакцин нас баралтаас 93%, халдвараас 75% хамгаалж байгаа нь нотлогджээ. Гэсэн хэдий ч манай улсад коронавирусийн дельта хувилбарын тархалт эрчимтэй нэмэгдсэн хэвээр байна.
Халдвар ийнхүү нэмэгдэх болсон шалтгаан хүмүүсийн бөөгнөрөл үүсгэсэн арга хэмжээ, хүмүүсийн хөл хөдөлгөөнтэй холбоотой гэдгийг ХӨСҮТ-ийн ерөнхий захирал асан Л.Баттөр өмнө нь тайлбарлаж байв.
Коронавируст халдварын эсрэг вакцины хоёр тунд бүрэн хамрагдсан, хоёр дахь тунг тарьснаас хойш гурван сар өнгөрсөн байх шалгуур тавьж байгаа юм.
Шалгуурт нийцсэн иргэнийг Файзер үйлдвэрийн “Комирнэти”, Синофарм үйлдвэрийн “CorV” вакцинаас сонголт хийлгэж, дархлаа сэргээх тунгаар вакцинжуулна.
Дархлаа сэргээх нэмэлт тунг хийлгэх иргэд харьяа дүүргийнхээ дархлаажуулалтын цэгт очиж, вакцинжуулалтад хамрагдах боломжтой.