Шинэ үеийн барилгын салбар үүсэж хөгжсөний түүхт 95 жилийн ойн баярын хүрээнд “BARILGA EXPO 2021” үзэсгэлэн холбогдох төрийн байгууллагын зөвшөөрлийн дагуу, хариуцлагын гэрээг байгуулан 9 дүгээр сарын 9-12-ны өдрүүдэд “Мишээл экспо” төвд зохион байгуулагдана.
Тус үзэсгэлэнд барилгын төсөл хэрэгжүүлэгчид, барилгын материал үйлдвэрлэгчид, ханган нийлүүлэгчид, барилгын салбарын шилдэг ААН, шинэ технологи нэвтрүүлэгчид зэрэг 100 гаруй ААН оролцож, шилдэг архитекторуудын бүтээл, орчин үеийн барилга байгууламжийн зураг төсөл, захиалга авч буй шинэ орон сууц, бараа материал, дэвшилтэт технологийг олон нийтэд танилцуулна. Мөн үзэсгэлэнд оролцогчдын цахим талбайг BARILGAEXPO.MN сайт дээр давхар бий болгон үзэгчдэд цаг хугацаа, орон зайнаас үл хамааран үзэсгэлэнг үзэх боломжийг олгодог билээ.
Ипотекийн зээлийн хүртээмжийг нэмэгдүүлж, иргэдийг орон сууцжуулах тал дээр төр засгаас ихээхэн анхаарч ажиллаж байгаа. Тиймээс та шинэ орон сууц худалдан авах, орон сууцаа томруулах гэж байгаа бол “BARILGA EXPO 2021” үзэсгэлэн, яармагт хүрэлцэн ирж нэг дор ипотек, хувь лизингээр авах боломжтой шинэ орон сууц, хаусны 50 орчим төслүүдийн мэдээллийг авч, харьцуулалт хийн худалдан авалт хийх боломжтой юм.
Мөн зөвхөн үзэсгэлэнгийн өдрүүдэд оролцогч компаниуд онцгой хямдрал, урамшуулал зарлаж, бэлэгтэй худалдан авалт хийх боломжийг олгодог билээ. Тухайлбал,
Бид халдвар хамгааллын дэглэмээ баримталж, мэргэжлийн байгууллагуудын зөвлөгөө, зөвлөмжийг мөрдөн, ажиллаж байгаа бөгөөд вакцины 2 дахь тундаа хамрагдсан Та бүхнийг “BARILGA EXPO 2021” үзэсгэлэнд хүрэлцэн ирэхийг урьж байна.
Ерөнхий зохион байгуулагч: Барилга МН
Хамтран зохион байгуулагч: БХБЯам, БХТөв, МБҮАссоциаци
Ерөнхий ивээн тэтгэгч: Grand Marshal Luxury Villas , Teso Properties LLC
Ивээн тэтгэгч: Монкон Констракшн ХХК