Үндэсний их баяр наадмын үеэр монголчууд долдугаар сарын 10-18-нийг дуустал нийт ес хоног амарна.
Энэ хугацаанд иргэд амарч, зугаалах нь ихсэх тул нийслэлээс орон нутгийн замд зорчихдоо юуг анхаарах талаар цагдаагийн байгууллагаас дараах сэрэмжлүүлгийг өглөө.
ЦЕГ-ын Урьдчилан сэргийлэх хэлтсийн дарга, цагдаагийн хурандаа Б.Баттулга "Жолооч нар эн тэргүүнд тээврийн хэрэгслийнхээ бүрэн бүтэн байдлыг хангах ёстой.
Мөн нийслэлээс орон нутагт зорчиж буй тээврийн хэрэгслийн жолооч та хамгийн хариуцлагатай байх учиртай юм. Хайртай гэр бүл, ирээдүй болсон үр хүүхдүүдийн тань амь нас, эрүүл мэнд зөвхөн таны гарт бий. Иймд жолооч та
Түүнчлэн тэрбээр "Цагдаагийн байгууллагаас 2021 онд зам тээврийн ослоос урьдчилан сэргийлэх "Ирээдүйгээ хамгаалъя" арга хэмжээг Оюу Толгой ХХК-тай хамтран зохион байгуулж буй. Энэ хүрээнд өдөр тутамд сэрэмжлүүлэг мэдээг хүргэж байгаа. Мөн орон нутгийн замд хурд хэмжигчүүд ажиллуулж, хяналт шалгалтыг тогтмол хийж байгаа тул жолооч та бүхэн дүрмээ баримтлаарай. Аялж зугаалж яваа иргэн та тайван явж, амрах газартаа амран замдаа зорчоорой" хэмээв.