Дижитал хөрөнгө оруулалт “ЛЭНДБОНД”-ын ЗАХИАЛГА 2 ДАХЬ ЖИЛДЭЭ ЭХЭЛЛЭЭ

Монголын финтек салбарын тэргүүлэгч компани болох “ЛэндМН ББСБ” ХК нь 2 дахь  жилдээ нээлттэй бондын анхдагч зах зээлийн арилжааны захиалгыг эхлүүлэх хүндэтгэлийн Цан цохих арга хэмжээ Монголын Хөрөнгийн Биржийн арилжааны зааланд 2021 оны 6 сарын 25-ны өдөр амжилттай болж, нээлттэй бондын арилжаа албан ёсоор эхэллээ.

 

Энэхүү ЛэндБондын арга хэмжээ нь Монголын хөрөнгийн биржийн үнэт цаасны 6500 дахь арилжаа байсан бөгөөд тус арга хэмжээнд Санхүүгийн зохицуулах хорооны Үнэт цаасны газрын дарга С.Цэрэндаш, Монголын хөрөнгийн биржийн Хяналт, зохицуулалтын газрын захирал А.Мөнхбаясгалан, “Өлзий Энд Ко Капитал ҮЦК” ХХК-ийн гүйцэтгэх захирал Б.Өлзийбаяр,  “Райнос Инвестмент ҮЦК” ХХК-ийн хөрөнгө оруулалт хариуцсан захирал Н.Цэвэгмид, “ЛэндМН ББСБ” ХК-ийн ТУЗ-ийн дарга Ц.Одмаа, гүйцэтгэх захирал О.Болдбаатар болон дэд захирал Б.Удвал нар оролцлоо.

 

“ЛэндМН ББСБ” ХК нь хөрөнгийн зах зээлд 2 дахь жилдээ 5 тэрбум төгрөгийн үнийн дүн бүхий “ЛэндБонд”-ыг гаргаж байгаа билээ. Энэхүү бонд нь компанийн үндсэн үйл ажиллагаа болох зээлийн санхүүжүүлэлтэнд зарцуулагдах бөгөөд бонд нэг бүр нь 100,000 төгрөгийн нэрлэсэн үнэтэй, жилийн 14%-ийн хүүтэй, 2 жилийн хугацаатай, 6 сар тутамд хүү төлөх давтамжтай байх юм.

Энэхүү нээлттэй бондын андеррайтераар “Өлзий Энд Ко Капитал ҮЦК” ХХК, синдикатаар “Райнос Инвестмент ҮЦК” ХХК-ууд ажиллаж байгаа бөгөөд бонд худалдан авах захиалга 2021 оны 06 сарын 25-ны өдрөөс 2021 оны 06 сарын 30-ны өдрийн 15 цаг хүртэл авна. Захиалгыг онлайнаар SuperUp аппликейшнээр эсвэл өөрийн үйлчлүүлдэг болон аль ч үнэт цаасны компаниар дамжуулж захиалга өгөх боломжтой.

 

 Мөн 06 сарын 27-ны өдрөөс 06 сарын 30-ны өдрийн хооронд Централ Тауэр болон Шангрилла Моллд зохион байгуулагдах олон нийтэд зориулсан нээлттэй өдөрлөгт хүрэлцэн ирж мэдээлэл зөвлөгөө авах, үнэт цаасны данс нээлгэх, Бонд худалдан авах захиалга өгөх боломжтой юм байна. 

 

SuperUp аппликейшнийг татах QR код:

ВИДЕО: