Бага насны буюу 0-5 насны хүүхэдтэй эцэг, эх, асран хамгаалагч нарт зориулан царт тахлын үед хүүхдийнхээ эрүүл мэндийг хамгаалахын тулд баримталбал зохих зөвлөмжийг Эрүүл мэндийн яамнаас танилцууллаа.

COVID-19 халдвараас сэргийлэхийн тулд: 

• Бага насны хүүхдийг олон нийтийн газраар дагуулж явахгүй байх
• Хүүхэд олноор цугласан тоглоомын талбайд тоглуулахгүй байх
• Зайлшгүй гэрээс гарах тохиолдолд маск зүүх, 2 цагаас дээш хугацаанд маскыг солих, гарыг угаах, халдваргүйжүүлэх
• Гэртээ өдөр бүр чийгтэй цэвэрлэгээ хийж, 3-4 удаа агааржуулалт хийх
• Хүүхдийн аяга, таваг, халбага хэрэгслийг солихгүй байх
• Хүүхдийн тоглоомыг сода, давстай халуун усаар угааж цэвэрлэх
• Хүүхдийн гар нүүрийн алчуур, цагаан хэрэгслийг угааж индүүдэх
• Гурван цаг тутамд халуун хоол, цай хэрэглэх
• Хөдөлгөөний идэвх (хүүхдийн дуунд бүжиглэх, тоглох)-ийг дэмжиж, чийрэгжүүлэх
• Аливаа дэлгэц (ТВ, гар утас)-ийг нэг дор 30 минутаас илүү үзүүлэхгүй байх
• Оройн 21:00 цагт унтуулж сургах

Бусад цочмог өвчнөөс сэргийлэх:

• Хаврын улиралд дулаан хувцаслах
• Даарснаас үүдэлтэй амьсгалын замын цочмог халдвар (ханиалгах, халуурах, хоолой өвдөх)-аас сэргийлэх
• Угаартахаас сэргийлэх
• Бага насны хүүхдийг аливаа бодис (эм, ахуйн цэвэрлэгээний бодис, цавуу)-ын хордолтоос сэргийлэх
• Гадны биет (батарей, жижиг тоглоом, самар, шүр)-ийг залгих, хамар, чихэнд хийхээс сэргийлэх
• 3 хүртэлх насны хүүхдэд витамин Д-г зохих тунгаар хэрэглэх

Эх сурвалж: Эрүүл мэндийн яам