2021/04/22
Америк доллар
МОНГОЛ БАНК:
2,849.97₮
B30
УЛААНБААТАР
17°
|
B30
УЛААНБААТАР
12°
|
B30
УЛААНБААТАР
16°
|
18:00
S30
14°
19:00
S30
11°
20:00
S29
21:00
S31
22:00
S29
23:00
S29
00:00
S29
01:00
S29
02:00
S26
03:00
S26
04:00
S26
-1°
05:00
S26
-1°

Францын ерөнхийлөгч AstraZeneca вакцин тариулах хүсэлтэйгээ ярьжээ

Э.Сэмүүн, ikon.mn
2021 оны 2 сарын 26
iKon.MN
Зураг

Францын ерөнхийлөгч Эммануэл Макрон өөрийнх нь ээлж ирэхэд AstraZeneca/Oxford-ийн вакцин таарвал дуртайя тариулна гэж өчигдөр мэдэгджээ. AstraZeneca компани болон Европын Холбооны хооронд үүссэн маргаантай холбоотой сэтгүүлчдийн асуултад хариулахдаа тэр ингэж хэлсэн юм.

Европын Холбооны дээд хэмжээний виртуал чуулганд оролцсоныхоо дараа тэр сэтгүүлчидтэй уулзахдаа “Шинжлэх ухааны сүүлийн үеийн судалгаанаас харвал AstraZeneca вакцин үр дүнтэй нь батлагдсан. Вакцинжуулалтад хамрагдах миний ээлж ирэхэд уг вакцин таарвал би мэдээж дуртайя тариулна” гэж ярьсан байна.

Франц улсад коронавирусийн эсрэг дархлаажуулалтын хөтөлбөр эхэлсэн ч вакцины нийлүүлэлт тасалдсан нь Макроны хувьд төдийгүй Европын Холбооны удирдлагуудын хувьд шийдвэрлэх ёстой чухал асуудал болоод байгаа.

Үүний гол буруутан нь гэрээгээр хүлээсэн үүргээ биелүүлж чадахгүй байгаа Британи-Шведийн хамтарсан AstraZeneca компани юм. Тус компани энэ оны хоёрдугаар улиралд гэрээнд заасан хэмжээнийхээ тал хувьтай тэнцэх вакциныг Европын Холбоонд нийлүүлэхээр байгааг өчигдөр эх сурвалжууд мэдээлсэн байна.

Эммануэл Макрон “Гэрээгээр хүлээсэн үүрэгтээ нухацтай хандахгүй байгааг нь тэдэнд анхааруулж хэллээ. Амлалтаа биелүүлж, хугацаандаа вакцин нийлүүлэх хүртэл нь бид шахаж ажиллах болно” гэж хэлжээ.

Тэр бас вакцин хийлгэсэн хүмүүст ногоон паспорт олгох Грек улсын санал нь вакцинжуулалтад сүүлийн ээлжинд хамрагдах хуваарьтай залуу үеийнхэнд хохиролтой шийдэл гэж бодож байгаагаа хэлсэн байна. Амралтын улирал ойртож байгаа энэ үед дэлхийн зарим улс орон, олон улсын байгууллагууд коронавирусийн эсрэг вакцинжуулалтад хамрагдсан хүмүүст хилээр нэвтрэх ногоон паспорт олгох саналыг хэлэлцэж байгаа юм.

 

Эх сурвалж: Reuters

 

x