"ХӨСҮТ маш их ачаалалтай ажиллаж байгаа учраас зарим дуудлагад жаахан хоцорч очсон тохиолдол бий"
ЭМЯ-ны ээлжит хэвлэлийн хурлын үеэр ХӨСҮТ-ийн албаны дарга Ж.Байгалмаа сэтгүүлчдийн асуултад хариуллаа.
- ХӨСҮТ-ийн явуулын шинжилгээ авах баг хэр ачаалалтай ажиллаж байгаа вэ, өчигдөр СХД-т нэг автобусан дотор 40 орчим иргэнийг тусгаарлаад 6 цагийн дараа очиж шинжилгээ авсан гэх мэдээлэл бидэнд ирлээ. Энэ талаар мэдээлэл өгөөч?
- Сүүлийн өдрүүдэд тохиолдлын тоо нэмэгдэж байгаа. Батлагдсан тохиолдол бүртгэгдэхэд ойрын хавьтлуудыг илрүүлэх, тусгаарлах ажлыг ХӨСҮТ зохион байгуулж, маш их ачаалалтай ажиллаж байгаа учраас зарим дуудлагад жаахан хоцорч очсон тохиолдол бий.
- Сүүлийн 24 цагт дөрвөн голомт шинээр бүртгэгдсэн талаар мэдээллийг ЭМЯ-ны ахлах шинжээч Д.Нарангэрэл өглөө. Голомтуудын талаар тодорхой мэдээлэл өгөөч?
- Улаанбаатар хотод бүртгэгдсэн 33 тохиолдлын дөрөв нь нэг сургууль дээр бүртгэгдсэн. Нэг голомтын дөрвөн тохиолдол гэсэн үг. Харин 29 тохиолдол нь хавьтал судлалаар илэрсэн.
ВИДЕО ҮЗЭХ: /2021.02.11/ (Бичлэг харагдахгүй бол ЭНДЭЭС үзэх боломжтой)
