2021.01.10: 21 хүнээс коронавирус илэрч, улсын хэмжээнд батлагдсан тохиолдол 1,429 боллоо
Эрүүл мэндийн яамны ээлжит мэдээллийн цаг эхэллээ.
ШУУД ҮЗЭХ: /2021.01.10/ (Бичлэг харагдахгүй бол ЭНД дарж үзэх боломжтой)
“Өчигдөр улсын хэмжээнд 22,993 хүнд шинжилгээ хийхэд 21 хүнээс коронавирус илэрсэн.
Шинээр илэрсэн тохиолдлуудын нэг нь Афганистанаас ирсэн энхийг сахиулагч буюу зөөвөрлөгдсөн тохиолдол байна. Ингэснээр Монгол Улсад гаднаас зөөвөрлөгдсөн тохиолдлын тоо 409 болж байна.
Мөн ХӨСҮТ-ийн нэг сувилагчийн шинжилгээнээс халдвар илэрсэн бол үлдсэн 19 тохиолдол нь шинээр үүсээд байгаа кластер голомтуудаас бүртгэгджээ.
Ингэснээр улсын хэмжээнд бүртгэгдсэн коронавирусийн нийт тохиолдол 1,429 боллоо. Үүнээс 896 хүн эдгэрээд байгаа бол өнөөдрийн байдлаар 522 хүн эмчлэгдэж байна” хэмээн ХӨСҮТ-ийн Тандалт, судалгааны албаны дарга А.Амбасэлмаа мэдээллээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
