"Архангай, Говьсүмбэр аймагт сар орчим халдвар бүртгэгдээгүй тул голомт тасарсан гэж үзнэ"

Эрүүл мэндийн яамны хэвлэлийн хурлаар сүүлийн 24 цагийн дотор Сэлэнгэ, Дархан-Уул, Говьсүмбэр, Орхон, Архангай, Дорноговь аймгийн голомт болон Улаанбаатар хотын өмнөх голомтоос халдвар нэмж бүртгэгдээгүйг зарлав.

Энэ талаар ХӨСҮТ-ийн Тандалт, судалгааны албаны дарга А.Амбасэлмаа "Ялангуяа Архангай болон Говьсүмбэр аймагт шинээр өвчлөл бүртгэгдээгүй сар орчмын хугацаа өнгөрлөө. Иймд тус аймгуудад голомт тасарсан гэсэн үг.

Мөн Орхон, Дархан, Дорноговь аймагт халдварын нууц үеийн хугацаанд халдвар бүртгэгдээгүй тул голомтыг хяналтад авсан байна. Сэлэнгэ аймагт ч сүүлийн хоногуудад халдвар бүртгэгдээгүй.

Энэ нь аймгуудын болон Улаанбаатар хотод өмнө нь бүртгэгдэж байсан халдварын голомт хяналтад орсон гэсэн үг. Харин БЗД-ийн нэгдсэн эмнэлгээс голомттой халдвар нь маш том дэгдэлт" хэмээн хэллээ.

 

ВИДЕО: