Цэцэрлэгийн хүүхдүүдэд зориулсан теле хичээл 2021 оны хоёрдугаар сарын 1-нийг хүртэл орохгүй

Гэрэл зургийг mpa.mn

ЕБС-ийн сурагчид өнөөдрийн теле хичээлээ үзээд улирлын амралт эхлэх гэж байна.

Харин сургуулийн өмнөх боловсролын буюу цэцэрлэгийн насныханд ямар зохицуулалт хийх талаар БШУЯ-ны СӨБГ-аас тодруулахад "Цэцэрлэгийн хүүхдүүдэд зориулсан теле хичээл өнөөдөр ороод завсарлана, цаашид үргэлжлэхгүй. Өөрөөр хэлбэл ЕБС-ийн сурагчдынхтай адил 2021 оны хоёрдугаар сарын 1-н хүртэл  теле хичээл явагдахгүй.

Засгийн газраас гаргасан тогтоолд ЕБС-ийн сурагч, цэцэрлэгийн насныхны теле хичээл зэрэг явагдаж, дуусахаар тусгасан тухай мэдээлж байсан" гэв.

12 дугаар сарын 1-нээс эхлэн цэцэрлэгийн насныханд долоо хоногт таван өдөр

• байгаль, нийгмийн орчин
• хэл яриа
• хөдөлгөөн эрүүл мэнд
• хөгжим зэрэг теле хичээлийг заасан юм.