А.Амбасэлмаа: Өнөөдөр долоон хүн эдгэрч, ХӨСҮТ-өөс дараагийн шатны ажиглалт руу шилжлээ
Өнөөдөр ХӨСҮТ-өөс долоон хүн эдгэрч дараагийн шатны ажиглалт руу шилжсэн тухай ХӨСҮТ-ийн Тандалт, судалгааны албаны дарга А.Амбасэлмаа мэдээллээ.
Тэрээр "Өнгөрсөн 24 цагт ХӨСҮТ-ийн Халдвартын клиникээс долоон хүн эдгэрч, дараагийн шатны ажиглалт руу шилжлээ. Ингээд өнөөдрийн байдлаар Монгол Улсад батлагдсан нийт 819 тохиолдлоос 365 хүн эдгэрээд байна.
Эдгэрсэн хүмүүсээс тусгаарлан ажиглалтад 42, гэрийн ажиглалтад нэг хүн байгаа бол 322 хүний ажиглалт тандалтын хугацаа дууссан.
Харин ХӨСҮТ болон Цэргийн төв эмнэлэгт 445 батлагдсан тохиолдол эмчлэгдэж байна.
Үүнээс биеийн байдал,
- Маш хүнд-3
- Хүнд-5
- Хүндэвтэр-77
- Хөнгөн-360 хүн байгаа юм.
Эмчилгээнд байгаа хүмүүсээс ХӨСҮТ-д 245 хүн эмчлэгдэж байгаа бол үлдсэн 200 хүн Цэргийн төв эмнэлэгт эмчлэгдэж байна.
Халдвар авсан хүмүүс дунд 0-9 насны 47 хүүхэд, 55-аас дээш насны 50 хүн байгаа бол 80,90 настай хүмүүс ч эмчлэгдэж байна" гэв.
ВИДЕО:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
