“Нэг хот-нэг стандарт”-ын эхний 14 баримт бичгийг боловсруулж дуусгав
Хотын стандарт, орчны аюулгүй байдлын хяналт зохицуулалтын газар нь “Нэг Хот Hэг Стандарт” зорилтот жилийн хүрээнд иргэдийн амьдрах орчны аюулгүй байдлыг хангах, нийслэлийн нутгийн захиргааны байгууллагуудын үйл ажиллагааг уялдуулан зохицуулах, зохион байгуулах, хөрөнгө оруулалтын үр ашгийг дээшлүүлэх зорилгоор “Хотын стандарт, орчны аюулгүй байдлын хяналт зохицуулалтын баримт бичиг” -ийг боловсруулан өдөр тутмын үйл ажиллагаанд мөрдүүлэн ажиллаж буй.
Тус бичиг баримт нь барилгын захиалагч, гүйцэтгэгч болон ашиглагч байгууллагуудад нийслэлд хийгдэж байгаа төсвийн хөрөнгө оруулалтын ажлыг төлөвлөх, зураг төсөл боловсруулах, барилгын ажил гүйцэтгэх, хүлээн авах, бүртгэх, ашиглах үйл ажиллагааг нэгдсэн арга зүй, удирдамжаар хангах зориулалттай юм.
Энэхүү баримт бичгийн эхний ээлжийн 14 баримт бичиг боловсруулагдаж бэлсон байна.
Хотын стандарт, орчны аюулгүй байдлын хяналт зохицуулалтын баримт бичгийн жагсаалтыг доорх агуулга тус бүр дээр дарж, дэлгэрэнгүй танилцана уу.
- Барилга, замын ажил гүйцэтгэхэд иргэдийн аюулгүй байдлыг хангах шаардлага
- Хашаа, хайс, хашлаганд тавигдах ерөнхий шаардлага, хэрэглээ
- Хүүхдийн тоглоомын талбайн эрүүл, аюулгүй орчны бүрдүүлэхэд тавигдах шаардлага
- Явган хүний зам, талбайн төлөвлөлт, хучилт, угсралтад тавигдах шаардлага
- Унадаг дугуйн замын төлөвлөлтөд тавигдах шаардлага
- Тээврийн хэрэгслийн зогсоолыг төлөвлөх, байгуулахад тавигдах шаардлага
- Нийтийн эзэмшлийн гудамж зам талбайд байршуулах сандалд тавигдах шаардлага
- Нийтийн эзэмшлийн гудамж зам талбайд байршуулах хогийн саванд тавигдах шаардлага
- Нийтийн эзэмшлийн гудамж зам талбайд байршуулах гэрэлтүүлгийн тоног төхөөрөмжид тавигдах шаардлага
- Нийтийн тээврийн үйлчилгээнд тавигдах шаардлага
- Хүүхдийн автобусанд тавигдах шаардлага
- Такси үйлчилгээнд тавигдах шаардлага
- Нийтийн тээврийн автобусны зогсоолд тавигдах шаардлага
- Такси зогсоолд тавигдах шаардлага
Эх сурвалж: Нийслэлийн ЗДТГ-ын Хэвлэл мэдээлэл, олон нийттэй харилцах хэлтэс
