http://www.criterion-quarterly.com/pakistan-fatf-evolving-grey-white-listing/

Монгол Улс ФАТФ-ын Саарал жагсаалтаас энэ ондоо багтах гарахаар ажиллаж байгаа талаар өмнө нь мэдээлж байсан.

Тэгвэл COVID-19-ийн нөхцөл байдлаас шалтгаалахгүйгээр манай үнэлгээг хийх Монгол Улсын хүсэлтийг хүлээн авсныг Сангийн сайд Ч.Хүрэлбаатар өөрийн твиттер хаягтаа жиргэсэн байна.

Тэрбээр “ФАТФ нь Саарал жагсаалтад орсон орнуудын ээлжит үнэлгээг коронавирусийн тархалтаас болж түр хойшлуулах шийдвэр гаргасан. Саарал жагсаалтаас гарахад цөөн ажил үлдсэн тул үнэлгээг хойшлуулалгүй, цагт нь хийх хүсэлтийг Монгол Улс тавьсныг ФАТФ хүлээн авлаа. 

ФАТФ-ын шаардлагыг биелүүлж, тайлангуудыг цагт нь хүргүүлэн Саарал жагсаалтаас гарахаар төрийн олон байгууллага хамтран шуурхай ажиллаж байна” гэжээ.

Энэ ондоо багтаад Саарал жагсаалтаас гарах зорилт тавьсан

Энэ дагуу тавдугаар сард ээлжит тайлангаа хүргүүлэх гэж байгааг өчигдөр Монголбанкны Мөнгөний бодлогын газрын захирал Б.Баярдаваа Монголбанкнаас мэдээлэл хийх үеэр мөн хэлсэн билээ. Тэрбээр “Холбогдох байгууллагууд маш идэвхтэй ажиллаж байгаа. Энэ ондоо багтаад Саарал жагсаалтаас гарах зорилт тавьсан” гэсэн юм.

ФАТФ мөнгө угаах, терроризмын эсрэг хяналтаа нэмэгдүүлэх шаардлагатай, эрсдэлтэй орнуудын хийж буй үйл ажиллагааг үнэлэх ажлаа түр зогсоож, дөрвөн сараар сунгах шийдвэр гаргаад буй. Тиймээс ирэх зургаадугаар сард үнэлгээ хийхгүй байхаар болсон юм. 

Тэгвэл манай улс ийнхүү хүсэлт гаргасан бөгөөд Исланд мөн хойшлуулахгүй байхыг хүсжээ. Тиймээс хүсэлтийг хүлээн авч, тавдугаар сард тайланг хүлээн аваад зургаадугаар сард шинэчилсэн тайланг гаргах юм байна.