Гадаад улсад амьдарч буй 13 монгол хүн коронавирусийн халдвар авч, гэртээ тусгаарлагджээ

Гэрэл зургийг mpa.mn

Эрүүл мэндийн яамнаас коронавирусийн цаг үеийн асуудлаар мэдээлэл хийж байна. Энэ үеэр тус яамны хэлтсийн дарга Д.Нарангэрэл дэлхийн улс орнуудад амьдарч буй монгол иргэддээ ямар зөвлөгөө, мэдээлэл өгч харилцан ажиллаж байгаа талаараа танилцууллаа.

Тэрбээр "Нэгдүгээр сарын 30-наас хойш Эрүүл мэндийн яамнаас 323002 утсыг 24 цагаар ажиллуулж, мэргэжлийн эмч нар зөвлөгөө, мэдээлэл өгч байна. Энэ хугацаанд дэлхийн 17 улсаас 96 монгол хүн холбогдож зөвлөгөө авлаа. Тодруулбал,

• Ирланд улсад 4
• ОХУ-д 3
• Шведэд 2
• Швейцарт 2
• БНСУ-д 2 монгол хүний лабораторийн шинжилгээ хариу ЭЕРЭГ гарсан. 

Тэд бүгд гэртээ тусгаарлагдаж байгаа бөгөөд яамны дээрх утсанд холбогдож ямар хоол хүнс хэрэглэх, гэрээ хэрхэн ариутгах, гэрийн эмчлэх тухай зөвлөгөө гэх мэт мэдээлэл авч байна" гэв.

Өөрөөр хэлбэл, нийт 13 монгол хүн халдвар авч, гэрээр эмчилгээ хийлгэж байгаа юм.