2020/04/04
Америк доллар
МОНГОЛ БАНК:
2,779.78₮
B30
УЛААНБААТАР
16°
|
-1°
B30
УЛААНБААТАР
13°
|
-1°
B30
УЛААНБААТАР
10°
|
16:00
S32
17°
17:00
S32
16°
18:00
S32
14°
19:00
S32
11°
20:00
S31
21:00
S31
22:00
S31
23:00
S31
00:00
S31
01:00
S31
02:00
S31
03:00
S31

Ц.Урнаа: "Эрдэнэт Хивс" ХХК-ийн Гүйцэтгэх захирал

СУРТАЛЧИЛГАА
2020 оны 2 сарын 21
Сурталчилгаа

Монгол хүний оюун ухаан, хүч хөдөлмөр шингэсэн бүтээгдэхүүнийг 38 жилийн турш үйлдвэрлэж байгаа Монгол Улсын тэргүүлэгч үйлдвэр “Эрдэнэт хивс” ХХК-ийн ажлын байрыг онцолж байна. Хивс өнгө нэмэхээс гадна орчны дулааныг хадгалж байдгаараа онцлогтой. Тэгвэл өрх айл, албан байгууллагын дулаан тохилог байдал, ажил хэргийн цэмцгэр тансаг орчинг чимсээр ирсэн тус компанийн хувьд шинэ оффисоо өөрсдийн гол нэрийн бүтээгдэхүүн болох хивсээр гоёсон нь энэ аж. Дулаан үйлдвэрлэж бусдад бэлэглэдэг тус компанийг “Дулааны вант улс” хэмээн тодотгоё. Ингээд жилд 1-1.2 сая м.кв хивс үйлдвэрлэх хүчин чадалтай “Эрдэнэт хивс” ХХК-ийн гүйцэтгэх захирал Ц.Урнаатай ярилцсанаа хүргэж байна. 


 

-Ажлын байраа хэрхэн тохижуулсан талаар яриагаа эхлэх үү?

-Манай “Натурал Текстайл” группын удирдлагууд ажлын байрны орчин нөхцөлийг сайжруулах шийдвэр гаргаж, 2017 онд одоогийн шинэ оффистоо шилжиж орсон. Манай өмнөх оффис бол нэлээн хуучин, тавилгууд нь хуучирчихсан, хоцрогдмол, чимээ шуугиан ихтэй, тохижилт муутай байсан. Энд нүүж ирээд хоёр дахь жилийнхээ нүүрийг үзэж байна. Манай ажлын байр орчин үеийн хэв загвартай, яг л хүний ажлын бүтээмжийг нэмэгдүүлэх чухал суурь нь болж чадсан гэж боддог. Орчин үеийн хийц бүхий тавилга, тохижилт, хивс, дорожны суурилуулалт, дуу чимээг багасгасан мөн дулаан хадгалж буй байдал зэргээрээ маш тохиромжтой шийдэлтэй орчин  үеийн шинэлэг загвартай ажлын байр болж чадсан гэдэгт итгэлтэй байна. Ноосон дорож дулаан сайн хадгалдаг, дуу чимээг өөртөө шингээдэг.  

ОРЧИН ҮЕИЙН ШИЙДЭЛ БҮХИЙ ОФФИСТ АЖИЛЛАЖ БАЙГАА ХҮМҮҮС СОЁЛТОЙ БАЙХ ЁСТОЙ.


 

-Таныхаар орчны тав тухтай байдал  гэж юуг хэлэх вэ?

-Аливаа хүний ажиллаж амьдрах орчин нөхцөлийг сайхан бүрдүүлэх нь тав тух. Тухайн ажлын байранд хүн ажиллаад гарахдаа сэтгэл ханамжтай, бүтээмжтэй байж чадвал тав тухтай байна гэсэн үг. Нэг зүйлийг онцолж хэлэхэд ийм орчин үеийн шийдэл орчинд ажиллаж байгаа хүмүүс соёлтой байх ёстой. Бие биедээ саад болохгүйгээр аяархан ярьчихдаг, зөв боловсон харилцаатай байвал хоорондоо эерэг үлгэр дуурайлал зогсохгүй тэр хэрээр ажлын бүтээмж ч өндөр байна гэж боддог.  

-Шинэ орчинд орсноос хойш ажлын бүтээмжид хэр өөрчлөлт гарав?

-Бүтээмж сайжирсан гэж бодож байна. Хүмүүс ажилдаа дуртай ирдэг болсон. Өндөр бүтээмжтэйгээр ажлаа дуусгадаг болсон. 

 

-Таны өрөөг сонирхоё л доо?

-Өрөөгөө тохижуулахдаа их бодсон. Яг бодсон хэмжээндээ хүрч тохижуулж чадаагүй. Харин өрөөний хананд уран зураг эсвэл хивс өлгөх төлөвлөгөө бий. Шаланд дэвссэн хивсний хувьд бас их бодож байгаад тохижуулсан. Яагаад ногоон ургамал бүхий өнгийг сонгосон маань хоёр шалтгаантай. Эхнийх нь, манай компани бол монгол хонины ноосоор экологийн цэвэр бүтээгдэхүүн хийдэг. Энэ нь манай “Эрдэнэт хивс” компани, “Натурал Текстайл” группийн том бахархал юм. Манай бүтээгдэхүүн байгаль экологид ямар ч сөрөг нөлөөгүй учраас хаана ч борлуулж бас хэрэглэсэн урмыг тань хугалахгүй. Олон улсын чанарын стандарт, лабораторийн шинжилгээгээр баталгаажуулсан. “Натурал Текстайл” группийн лого, тэмдэглэлийн дэвтэр гээд бүх зүйлийн билэгдэлд ногоон өнгө орсон байдаг. Энэ нь манай компани экологийн цэвэр бүтээгдэхүүн үйлдвэрлэдэг гэдгийг илэрхийлдэг. Хоёрдугаарт, хүн байгальд төрж байгальдаа шингэдэг биет гэдэг утгаараа хүн болгон, компани бүр эх дэлхийгээ, байгалиа хайрлая гэсэн санааг гаргасан юм. Гуравт, халуун орны ургамал бүхий барыг хивсэнд дүрсэлсэн. Үүгээрээ монгол ноосон хивсний түүхэн хөгжлийг бичиж буй манай хамт олон үргэлж өөрийн гэсэн үзэл санаатай, бар мэт хүчирхэг байхыг билэгдсэн.  

Дэлхий гэснээс манай “Эрдэнэт хивс” компани дэлхийн 20 гаруй оронд бүтээгдэхүүнээ гаргаж байна. Энэ сард гэхэд Японоос 6 мянган м.кв-ын хивсний захиалга хүлээж авсан. Бүтээгдэхүүнээ 20 гаруй оронд гаргаж буй компани цөөхөн байх. Монгол ноосон хивсийг өдийг хүртэл хөгжүүлж, дэлхийн стандарт шаардлагыг нь хангаж, бүтээгдэхүүнээ экспортолж байгаа явдалд миний хувьд хамт олноороо маш их бахархаж явдаг. Үүнийгээ бас бүхий л уриа үгээрээ илэрхийлье гэж бодсон юм.  

БАЙГУУЛЛАГЫНХАА СОЁЛЫГ ШИНЭЭР БҮТЭЭХ ТҮҮХЭН ҮЕ ИРЭЭД БАЙНА


 

-Компанийнхаа сүүлийн үеийн сонин сайхнаас хуваалцахгүй юу?

-Манай компани сүүлийн 10 жилд техник технологийн шинэчлэлийг хийсэн. Хамгийн сүүлийн үеийн нэхэлттэй нэхээсний тоног төхөөрөмж, хивсний машинуудыг оруулж ирж суурилууллаа. Өдөр тутмын үйл ажиллагаандаа амжилттай ашиглаж байна. “Хүннү”, “Атилла” гэх шинэ брэндүүдээ гаргалаа. Хоёр жилийн өмнөөс “Aксминстер” шинэ нэхмэлийн машинаар дорож нэхэж эхэлсэн. Манай компаниас урьд нь гаргаж байсан хивснүүд найман өнгөтэй байсан. "Аксминстер" машин 16 өнгийн хивс гаргах хүчин чадалтай. Энэ ч утгаараа зураг нь баялаг, өнгө нь илүү тодорсон. Манай оронд төдийгүй Азид ийм төрлийн машин суурилуулсан тохиолдол ховор. Эдгээр техник технологийн шинэчлэлийг нутагшуулахын зэрэгцээ бүтээгдэхүүнийхээ чанарыг илүү сайжруулж, бүтээмжээ өсгөх тал дээр илүү анхаарч ажиллаж байна. 

МИНИЙ СЭТГЭЛД ХАМГИЙН ИХ ХҮРСЭН АЖЛЫН БАЙР БОЛ ГЕРМАНЫ "LANO" ХИВСНИЙ ҮЙЛДВЭР


 

-Өөрийн чинь сэтгэлд хамгийн их хүрч байсан оффисыг нэрлэхгүй юу?

-Одоогоос хэдэн жилийн өмнө Германы “Lano” хивсний үйлдвэр дээр зочилж байсан юм. Оффис нь үнэхээр таалагдсан. Хаалгаар нь дөнгөж ормогц загвар дизайны хувьд бүхэлдээ орчин үеийн авангард загвар бүхий өвөрмөц оффис санагдсан. Тэр дүр зураг нь миний сэтгэлд үлджээ. Манай компанийн тохижилт “Lano”-гийнхтай нэлээн дөхсөн гэж боддог шүү.

-Өглөө оффистоо орж ирэхэд танд ямар мэдрэмж төрдөг вэ?

-Би алхах дуртай. Өглөө бүр ажилдаа алхаж ирдэг. Эрдэнэт хотынхоо эрүүл агаараар уушгиа дүүртэл амьсгалж аваад үйлдвэртээ орж ирнэ. Шатаар дээшлэхэд дэлхийн бөмбөрцгийн зурагтай манай компанийн логотой хивс намайг угтдаг. Өрөө маань их тав тухтай учраас янз бүрийн бодлогын хэмжээний шийдвэр гаргах, ажлын төлөвлөлт, тактик, стратегийн баримт бичгүүдээ боловсруулна.  

Миний хувьд нэхмэлийн инженер технологич мэргэжилтэй. Москвад мэргэжлээрээ таван жил суралцаж 1987 онд төгссөн. Тухайн үед яамны томилолтоор Эрдэнэт хотод ирээд өнөөг хүртэл тасралтгүй ажиллаж байна. Би уг нь унаган хотынх. Ажлын орчин тав тухтай байхад хүн ажилдаа дуртай ирнэ, ажлаа ч өндөр бүтээмжтэй хийнэ шүү дээ. 

-Ярилцсанд баярлалаа.    

 

 

ikon.mn сайтын Редакцын бодлогын 6.1; 6.2; 6.3 –т дурдсан үндэслэлээр сэтгэгдэл бичих талбарыг хаасан болно.
x