Уншиж байна ...
ХУУЧИРСАН МЭДЭЭ: 2019/08/21-НД НИЙТЛЭГДСЭН

"Уул уурхайн 19 ААН-ийн 23 тусгай зөвшөөрлийг цуцаллаа"

А.Төгөлдөр, iKon.mn
2019 оны 8 сарын 21
iKon.MN
Зураг зураг
Гэрэл зургийг MPA.mn

БОАЖ-ын сайд Н.Цэрэнбат Засгийн газрын хуралдаанаас гарсан шийдвэрийн талаар мэдээлэл хийж байна. 

ШУУД ҮЗЭХ: 

https://www.facebook.com/iKonNews/videos/376572056365136/

БОАЖ-ийн сайд Н. Цэрэнбат “Засгийн газрын өнөөдрийн хуралдаанаар зарим газар нутгийг улсын тусгай хамгаалалтад авах, хилийн заагт өөрчлөлт оруулах тухай тогтоолын төслийг баталж, УИХ-д өргөн мэдүүлэхээр боллоо. Ингэсгээр: 

  1. Онон Балжийн байгалийн цогцолборт газрын хилийн заагт Хэнтий аймгийн Дадал, Биндэр сумын зарим хэсгийг хамруулан өргөтгөлөөр,
  2. Дэвэлийн аралын байгалийн нөөц газрын хилийн заагт Увс аймгийн Ховд, Бөхмөрөн сум, Баян-Өлгий аймгийн Ногооннуур сумын нутагт орших Ачит нуурыг хамруулан өргөтгөж байгалийн цогцолборт газрын ангиллаар,
  3. Завхан аймгийн Дөрвөлжин сумын нутагт орших Хомын талыг байгалийн цогцолборт газрын ангиллаар,
  4. Хэнтий аймгийн Батширээт, Биндэр сумын нутагт орших Гутайн даваа-Хөмүүл голын эхийг байгалийн цогцолборт газрын ангиллаар,
  5. Баянхонгор аймгийн Галуут сумын нутагт орших Хан уул орчмын газрыг Хангайн нурууны байгалийн цогцолборт газрын өргөтгөлөөр,
  6. Алтан хөхий уулын байгалийн нөөц газрын хилийн заагт Ховд аймгийн Мянгад сумын зарим хэсгийг хамруулан өргөтгөлөөр,
  7. Баянхонгор аймгийн Гурванбулаг, Завхан аймгийн Отгон сумын нутагт орших Хөх нуур-Бумбат орчмын газрыг байгалийн нөөц газрын ангиллаар,
  8. Хэнтий аймгийн Өмнөдэлгэр, Батширээт, Биндэр, Баян-Адрага сумын нутагт орших Хурх хүйтний хөндий орчмын газрыг байгалийн нөөц газрын ангиллаар,
  9. Баянхонгор аймгийн Галуут сумын нутагт орших Баянхонгор хайрхан уулыг дурсгалт газрын ангиллаар авах Засгийн газрын тогтоол батлагдлаа.
 

Ингэснээр нийт зургаан аймгийн 13 нутаг дэвсгэрийг хамарч байгаа усын тусгай хамгаалалтад авсан газар нутгийн хэмжээ 1.2 сая га-гаар буюу нийт газар нутгийн 0.83 хувиар нэмэгдэж 32.8 сая га газар улсын тусгай хамгаалалтад авагдаж байна. 

Энэ дунд Архангай аймгийн Цэнхэр суманд үйл ажиллагаа явуулж буй "Монгол газар" компанийн эзэмшиж байсан нийт 13 тусгай зөвшөөрлийг цуцалсан. Эдгээр 13-аас зөвхөн дөрөв нь л байгаль орчны менежментийн төлөвлөгөөг батлуулсан. Гэхдээ үйл ажиллагаа явуулахдаа Байгаль орчныг хамгаалах тухай, Ашигт малтмалын тухай хуулиудыг зөрчсөн гэдэг үндэслэлээр тусгай зөвшөөрлийг нь цуцалсан.

Тухайн АНН, хуулийн этгээд хуулийн дагуу үйл ажиллагаа явуулсан бол нөхөн төлбөрийн талаар гомдол гаргах эрх нь нээлттэй байгаа. Гэсэн хэдий ч байгаль орчны эсрэг үйлдсэн гэмт хэрэгт нь Монгол Улсын Засгийн газар төлөөлж зарим ААН-ийг хуулийн дагуу шалгуулах болно. 

Тост, Тосон бумбын ордод үйл ажиллагаа явуулж байсан найм орчим ААН-ын тусгай зөвшөөрлийг цуцалсан" гэлээ.