"Улаанбаатар-Хөшигийн хөндийн олон улсын шинэ нисэх онгоцны буудал чиглэлийн 32.2 км хурдны авто зам”-ын бүтээн байгуулалтын ажил 2016 онд эхэлсэн билээ.
Тэгвэл уг бүтээн байгуулалт гурван жилийн дараа бүрэн дуусаж, ашиглалтад ороход бэлэн болжээ. Шинэ замын нээлт маргааш буюу 2019 оны долоодугаар сарын 5-ны өдрийн 10:00 цагт болж, албан ёсоор хүлээлгэн өгөхөөр болсон байна.
Нийт 6 ширхэг гүүр, 20 ширхэг нүхэн гарц (явган зорчигч, тээврийн хэрэгсэл, мал, амьтан нэвтрэх зориулалттай), 28 ширхэг дугуй хоолой баригджээ.
Хурдны замын өртөг 140 сая ам.доллар гэдгийг албаны хүн хэлж байв.
Мөн маргааш шинэ нисэх буудлын концессын гэрээ болон туршилтын нислэг хийгдэх юм байна.