2020/06/01
Америк доллар
МОНГОЛ БАНК:
2,805.97₮
B30
УЛААНБААТАР
20°
|
B30
УЛААНБААТАР
14°
|
B30
УЛААНБААТАР
19°
|
06:00
S26
07:00
S26
08:00
S26
10°
09:00
S30
12°
10:00
S30
13°
11:00
S30
14°
12:00
S30
15°
13:00
S30
16°
14:00
S30
17°
15:00
S30
17°
16:00
S26
17°
17:00
S26
17°
Энэ мэдээ хуучирсан буюу 2019/05/02 -нд нийтлэгдсэн мэдээ болно.

Японы ханхүүгийн хичээлийн ширээнд хутга байрлуулсан этгээд баригджээ

Э.Сэмүүн, ikon.mn
2019 оны 5 сарын 2
iKon.MN
Зураг

Өнгөрсөн Баасан гарагт Японы хаан ширээг залгамжлах хоёр дахь хүн болох 12 настай ханхүү Хисахитогийн хичээлийн ширээнээс хоёр ширхэг хутга олдсон юм.

Ханхүүгийн сурдаг Токиогийн дунд сургуулийн хяналтын камерны бичлэгийг шалгахад 50 гаруй насны ажлын хувцас, дуулгатай эрэгтэй эзгүй байсан ангид нь нэвтэрч хутгануудыг тавьсныг илрүүлсэн байна.

56 настай Каору Хасегава гэгчийг энэ явдлаас гурав хоногийн дараа баривчилжээ. Байцаалтын үеэр тэр Японы хаант засаглалыг шүүмжлэн ярьж байсныг прокурорын эх сурвалж өнөөдөр мэдээлсэн байна.

Хасегава ханхүүгийн сурдаг дунд сургуулийг интернэтээс олж мэдээд ойролцоох зочид буудалд нь хэд хоногийн өмнө бууж, бэлдэж эхэлсэн гэнэ.

Тэрээр дэлгүүрээс хүнсний зориулалттай хоёр хутга худалдан аваад 60 см урт металл савааны хоёр үзүүрт туузаар ороож бэхэлжээ.

Улмаар энэ зэвсгээ ширээн дээр хөндлөн байрлуулж, нэг үзүүрийг нь  ханхүү рүү чиглүүлж орхисон байна. 

Хутгануудын ирийг ягаан өнгөөр будсан байсныг цагдаа нар мэдээлсэн юм.

Япончуудын ихэнх нь дэлхийд хамгийн урт үе залгамжлан үргэлжилсэн хаант засаглалаа хүндэлдэг. Гэхдээ хаант засаглалыг халах ёстой гэж үздэг хүмүүс байдаг юм. Өчигдөр Нарухитог хаан сэнтийд залах үед Токиод хаант засаглалыг эсэргүүцэгч хэсэг хүмүүс жагсаал хийсэн бол үндсэрхэг үзэлтнүүд тэдэнтэй тулгарснаар цагдаа нар тусгаарлах арга хэмжээ авсан байна.

 

Эх сурвалж: Kyodo News

 




2020 оны УИХ-ын сонгуультай холбоотой нэгдсэн мэдээ, мэдээллийг та манай “Сонгууль 2020” хуудаснаас аваарай!

x