Улсын Дээд Шүүхийн шүүгчдийн зөвлөгөөнөөс Ерөнхий шүүгчид Д.Ганзоригийг нэр дэвшүүлжээ

 

Монгол Улсын Дээд шүүхийн Ерөнхий шүүгч Ц.Зоригийг өөрийнх нь хүсэлтээр албан тушаалаас нь чөлөөлөөд байгаа.

2019 оны гуравдугаар сарын 28-нд Ерөнхийлөгч Х.Баттулга түүний хүсэлтийг харгалзан зарлиг гаргаснаар ажлаа өгсөн билээ.

Харин тус шүүхийн Ерөнхий шүүгчээр Д.Ганзоригийг нэр дэвшүүлэхээр болсон байна. Улсын Дээд Шүүхийн шүүгчдийн зөвлөгөөн өнөөдөр /2019.04.03/ болж, олонхын саналаар дээрх шийдвэрийг гаргажээ.

Одоо саналаа хүргүүлснээр Ерөнхийлөгч эцсийн томилгоог хийнэ.

Нэр дэвшигч Д.Ганзориг нь МУИС-ийн Хууль зүйн сургууль төгссөн, хуульч мэргэжилтэй.

Тэрбээр Анхан шатны шүүхэд шүүгчийн туслахаар 5 жил, Сонгинохайрхан дүүргийн шүүхэд шүүгчээр 9 жил, Улсын дээд шүүхэд шүүгчээр 6 жил ажилласан.

Одоо Дээд шүүхийн Эрүүгийн хэргийн танхимд шүүгчээр ажиллаж байгаа юм байна.