iKon.mn Хиймэл оюун ухаанаар бүтээгдсэн РОБОТ ХӨТЛӨГЧИЙГ танилцуулахад бэлэн боллоо

iKon.mn сайтын хамт олон байгуулагдсан цагаасаа эхлэн хамгийн орчин үеийн технологийг бүтээгдэхүүн үйлчилгээндээ нэвтрүүлэхээр ажиллаж ирсэн билээ.

Тэгвэл энэ удаа бид AI (Artificial Intelligence) буюу хиймэл оюун ухааны технологийг үйл ажиллагаандаа нэвтрүүлэхэд бэлэн болоод байна. Машин сургалт болон гүний сургалтын (machine learning, deep learning) хамгийн сүүлийн үеийн загварууд дээр бүтээгдсэн бидний робот хөтлөгч "Sara" нь монгол хэл дээр бичигдсэн текст мэдээллийг чөлөөтэй уншиж чаддаг боллоо. Бид 70 гаруй цагийн хоолойн бичлэгээс 35 цаг орчмын сургалтын өгөгдөл (dataset) үүсгэн, олон төрлийн загваруудыг сургаж, туршиж үзсэнээс google, nvidia компанийн загваруудыг сонгож ашиглахаар болоод байна.

Удахгүй уг хөтлөгч нь iKon.mn сайтын төдийгүй ямар ч мэдээллийг онлайн орчинд дуу хоолойгоороо уншиж дамжуулдаг болох юм.

Тухайлбал радио өргөн нэвтрүүлэг, подкаст үйлчилгээнүүдэд ашиглах боломжтой болно.

Цаашлаад видео стриминг, телевизийн өргөн нэвтрүүлгийг ч робот хөтлөгчтэйгээр хэрэгжүүлэх боломж нээгдэж байна. Мөн зөвхөн хэвлэл мэдээллийн салбараар хязгаарлагдахгүй бизнесийн бусад салбарт ч ашиглах боломжтой.

Ингээд бид өөрийн бүтээсэн робот хөтлөгчийн ур чадвар, боломжуудаас танилцуулж байна.

Түргэн хэллэг уншиж буй байдал

Ийм сайхан гөлгөр гөлчгөр гөлтгөр балтгар хотгор гүдгэр хонхор хүнхэр газрыг гөлгөр гөлчгөр гөлтгөр балтгар хотгор гүдгэр хонхор хүнхэр газар биш гээд, өөр ямар янзын гөлгөр гөлчгөр, гөлтгөр балтгар, хотгор гүдгэр, хонхор хүнхэр газрыг, гөлгөр гөлчгөр, гөлтгөр балтгар, хотгор гүдгэр, хонхор хүнхэр газар гэх юм бэ?

Тусгай тэмдэгтүүдийг ойлгон өргөлт, зогсолт хийж буй байдал

Үл мэдэх: Нар, Сар, одон гурав юу вэ? гэж асуухад, харин аав хэлэхдээ: Мэдэхгүй ээ миний хүү гэж хариулав.

Мэдээ мэдээлэлд нийтлэг ашиглагддаг гадаад үгнүүдийг дуудаж буй байдал

Дональд Трамп, Владимир Путин, Ким Жон Ун, Ши Жиньпин дөрөв сүүтэй будаа чанаад ширдгэн дээрээ асгасан нь Вашингтон-Москвагийн болон Пёньян-Бээжингийн харилцааг муутгаад байгаа.

LIve demo - г 2019/04/01 09:00 - 2019/04/02 11:30 хооронд ажиллуулаад хаасан болно.