Ард Кредит ББСБ-ын IPO-ны захиалга хугацаанаасаа өмнө давж биеллээ

Ард Кредит ББСБ-ын IPO-ны захиалга 2 сарын 18-ны өдөр эхэлсэн бөгөөд стратегийн хөрөнгө оруулагчдын захиалга 100 хувь болж, олон нийтийн захиалга 106.3 хувьд хүрлээ.

Олон нийтэд санал болгож байгаа хувьцааны 50 хувьд стратегийн хөрөнгө оруулагчид орж байгаа бөгөөд ГрэйпСити Монгол компани, Моннис, Трансбанк зэрэг байгууллагууд стратегийн хөрөнгө оруулагч болж байгаа юм.

Ард Кредит нь олон нийтээс татан төвлөрүүлсэн хөрөнгөө зээлийн санхүүжилтэд зарцуулах бөгөөд цаашдаа Ард Апп-аар дамжуулан санхүүгийн цогц үйлчилгээг харилцагчдадаа хүргэхээр зорин ажиллаж байна.

Үнэт цаасны товч танилцуулга:

Олон нийтэд санал болгож байгаа хувь: 25 хувь

Татан төвлөрүүлэх хөрөнгө:  ₮4.9-5.425

Нэгж хувьцааны үнэ: ₮70-85

Захиалгын хугацаа: 2/18-3/1

Захиалгын хугацаа маргааш дуусах тул та бүхэн данс нээлгэсэн үнэт цаасны компаниараа дамжуулан захиалга өгөх боломжтой.

Ард Кредитын IPO-ны үндсэн андеррайтэраар Ард Капитал ҮЦК, туслах андеррайтэраар Ард Секюритиз ҮЦК тус тус ажиллаж байна.

Дэлгэрэнгүй мэдээлэл авах утас: 77078181, 77078282, 88116377