"Бодь" групп задарч Ц.Элбэгдорж, Л.Болд, Д.Баясгалан, Х.Баттулга нар тохирох хувиа авчээ

"Бодь" цамхаг

 "Бодь"-ийн хувь эзэмшигчид өөрсдийн хөрөнгийг албан ёсоор салгасан талаарх мэдээлэл хөвөрсөөр байгаа билээ.  УИХ-ын гишүүн, Гадаад харилцааны сайд Л.Болд группийн хэмжээнд дотоод зөрчил хэрээс хэтэрсэн байдлыг олон нийтэд зарлаж "Голомт" банкны нөхцөл байдлын талаар олон нийтэд мэдээлснээр тус банкны удирдлагад багагүй доргио өгч чадсан. 

Улмаар энэ маргаан хөрөнгөө хувааснаар эцэс болж байх шиг байна. Зарим хэвлэлийн мэдээлснээр Л.Болд "Бодь" цамхаг, тус группийн "охин" компани, медиа группээ өөрийн эзэмшилд үлдээжээ. Мөн тэрбээр хүүхдийн парк буюу Үндэсний соёл амралтын хүрээлэнгээ өөрийн мэдэлдээ үлдээж байгаа бололтой. 

“Голомт" банкны Төлөөлөн удирдах зөвлөлийн дарга Д.Баясгалан харин банкаа авч үлджээ. 

Зарим эх сурвалжийн мэдээлснээр Ерөнхийлөгч Ц.Элбэгдорж, УИХ-ын гишүүн, ҮХАА-н сайд Х.Баттулга энэхүү наймаанд оролцож "Бодь" группийн хөрөнгөнөөс хуваалцсан сураг байна.