Маргааш 10,000 хүүхдэд сүү бэлэглэнэ
Дэлхий дахинаа сүүний өдрийг 18 дахь жилдээ зургаадугаар сарын 1-ний өдөр тэмдэглэн өнгөрүүлэх гэж байна.
Бид уг өдрийг “ЭХ ОРНЫ СҮҮ-ЭРҮҮЛ ХҮНС” гэсэн уриан дор хүүхэд - сүү - эрүүл мэнд гэсэн агуулгатайгаар тэмдэглэдэг.
Нийслэлийн Хүнс, хөдөө аж ахуйн газраас зургаадугаар сарын 1-ний өдөр 10,000 хүүхдэд сүү бэлэглэх, Монгол Улсад Азийн сүүний холбооны хурлыг зохион байгуулах, фермийн үйл ажиллагааг танилцуулах, сүү эрүүл мэндэд ямар ач холбогдолтой талаар сурталчлах зэрэг ажлуудыг зохион байгуулахаар төлөвлөжээ.
Хүн амын дунд сүү, сүүн бүтээгдэхүүний хэрэглээг бага наснаас нь хэвшүүлж, эрүүл мэндээ хамгаалан бэхжүүлж байх зорилтын хүрээнд, бид сүүний өдрөөр бодлого боловсруулагчид, шийдвэр гаргагч нарт хандаж эн тэргүүнд “Үдийн цай” хөтөлбөрт “амьд” сүү, сүүн бүтээгдэхүүн оруулах асуудлыг шийдвэрлэхийг уриаллаа.
Хүүхдэд чанартай сүү, сүүн бүтээгдэхүүн нийлүүлэхийн тулд чанартай түүхий эд шаардлагатай учир энэ ажил фермийн хөгжлөөс эхлэх ёстой юм.
