Хүмүүсийн устсан ой санамжийг далимдуулж ЦИРКИЙН нэг хэсгийг засварлаж нөгөө хэсгийг нь нураах гэж байгаа юу?
2020 оноос л засвар хийж байгаа гэсэн нэрээр нурааж эхэлсэн циркийн барилга одоо ч бүрэн засагдаагүй, олон нийтийн хардлага, сэрдлэг дунд оршсоор л байна.
Иймд циркийн газар болон барилгатай холбоотой мэдээллийг холбогдох нээлттэй мэдээллийн сангуудаас тодруулан хүргэж байна.
Анх 2007 онд Төрийн өмчийн хороо, хуучнаар Соёл, Спорт, Аялал Жуулчлалын Яам, Аса консалтинг компани хооронд гуравласан гэрээ байгуулж, Монголын үндэсний циркт менежментийн хувьчлал хийсэн байна. Түүнээс хойш олон жил циркийг худалдаа үйлчилгээ, паб цэнгээний газар зэргээр ашигласаар өдгөө 17 жил өнгөрчээ.
менежментийн хувьчлал нэр дээр явсаар газар нь ч хувьд шилжсэн байна
Нийслэлийн Засаг Даргын Тамгын Газар (НЗДТГ)-ын 2017 болон 2021 оны шийдвэрээр циркийн ногоон байгууламжтай талбай болон цэнхэр дээвэртэй барилгын хоёр газар "Авто тээврийн хэрэгслийн зогсоолын талбай" гэсэн зориулалтаар "Рояалплаза" ХХК-ийн эзэмшилд шилжжээ.
Тус компанийн гүйцэтгэх захирал, хувь эзэмшигчээр Д.Дагвадоржийн эхнэр М.Отгонцэцэг ажилладаг аж.
Мөн циркийн барилгын нэг хэсэг болох гурван давхар байшин байршиж буй газар 2021 оны НЗДТГ-ын захирамжаар "Худалдаа, нийтийн үйлчилгээний газар, төв, цогцолбор"-ын зориулалтаар Үндэсний хөрөнгө оруулалтын банкны эзэмшилд шилжсэн байна.
Тус банкны эцсийн өмчлөгч нь Д.Дагвадоржийн эхнэр М.Отгонцэцэг, хувьцаа эзэмшигчээр Д.Дагвадоржийн ах Д.Сумъяабазар байна. Товчхондоо циркийн газар тэр чигтээ нэг гэр бүлийн нэр дээр очжээ.
Хүмүүсийн Устсан ой санамжийг далимдуулж байна...
Циркийн барилга нь ганц цэнхэр дээвэртэй бөмбөгөр барилга биш бөгөөд урд талын дөрвөлжин барилга ч циркийн барилгын нэг хэсэг аж. Үүнийг циркийг багаасаа мэддэг хүмүүс л санахаас ихэнх нь мэдэхгүй, магадгүй мартсан нь лавтай.
Иймд хүмүүсийн устсан ой санамж дээр дөрөөлж циркийн нэгээхэн хэсэг болсон барилгыг нурааж 35 давхар барилга барих гэж буй явдалд иргэд эгдүүцэж байгаа юм.
Цирк 1980-аад он ⬇
Цирк 2024 оны нэгдүгээр сар ⬇
Дээрх хоёр барилга өмнө нь хоорондоо хүзүүвчээр холбогдсон нэг барилга байжээ. Гэвч тус хүзүүвчийг нурааж өөр зориулалтын барилга болгосон ул мөр нь одоо ч илт харагдаж байна.
НЭГ ХЭСГИЙГ НЬ ШИНЭЧИЛЖ, НӨГӨӨГ НЬ НУРААН БАРИЛГА БАРИХ САНААРХАЛ...
Циркийн барилгын өргөтгөл, шинэчлэл зөвхөн цэнхэр дээвэртэй бөмбөгөр барилгад хийгдэж буй. Харин циркийн барилгаас тасалж авсан хэсэгт 35 давхар барилга барихаар болсныг Хот Байгуулалт, Хөгжлийн Газрын цахим хуудаснаас харж болохоор байна.
Эндээс л буюу циркийн нэг хэсгийг шинэчилж байгаа ч нөгөө хэсгийг нь нурааж барилга барих гэж буйгаас гол маргаан үүсээд байгаа юм.
Зураг төсөлд үндсэн барилгын хийц, бүтээцэд нөлөөлөхгүй гэсэн ч...
Циркийн үндсэн барилгын хийц, бүтээцэд нөлөөлөхгүй гэсэн зураг төсөлд үндсэн бүтээцэд байх ёстой гурван давхар барилга байхгүй байна.
Уг асуудлаар иргэдийн төлөөлөл болон хотын дарга асан Д.Сумъяабазар дараах байр сууриа илэрхийлэв.
Иргэн Б.Мөнхдөл "Өмнө нь Японы нэг үзмэрч "цэнхэр өнгө бүтэлгүй өнгө, өнгийг нь өөрчил" гэж хэлсний төлөө шар өнгөтэй болгож байсан түүхтэй. Шилэн пасад нэмээд пабын нэр тавьж байсан зэрэг нь Улаанбаатар хотын таних тэмдэг болсон барилгын дүр төрхийг алдагдуулж байна гэж үзэж байна. Иймд циркийг хуучин төрхөөр нь сэргээх хэрэгтэй.
Циркийн хоёр барилгыг холбож байсан хүзүүвчийг нураахад олон нийт нэлээд эсэргүүцэж байсан ч янзалж байгаа юм гэж аргацаагаад л өнгөрсөн. Одоо бүүр нурааж оффис, орон сууцны зориулалттай барилга барих төлөвлөгөөтэй байгаа юм байна.
Анх менежментийн хувьчлал нэрээр авчхаад ашиглах, эзэмших, өмчлөх болгоод ахиулаад байдаг авлигын түгээмэл асуудал байна шүү дээ. Урд нь өндөр байшин бариад гэнэт л өргөтгөх гэж байгаа циркийн барилга руу ороод эхлэх вий гэсэн хардлага олон нийтийн дунд байгаа. Барилгын гол хийцийг нь арилгачихвал устгасан л болно шүү дээ. Авлигачдын л арга барил" гэв.
Хотын дарга асан Д.Сумъяабазар "Компанийн удирдлагуудаас асууж тодрууллаа. Циркийн барилга байгууламжийн ажил нь хийцлэл, үндсэн хэв маяг, загварчлалаа өөрчлөхгүйгээр хэвийн явагдаж байгаа бөгөөд одоо дотоод заслын ажил хийгдэж байгааг хэлж байна. Энэ оны тавдугаар сарын 1-н гэхэд барилгын ажил бүрэн дуусаж ашиглалтад оруулахаар мэргэжлийн компанийн залуус өдөр шөнөгүй ажиллаж байна" гэсэн тайлбарыг өөрийн цахим хуудаснаа өгөөд байгаа юм.
Өмнө нь тэрбээр энэ асуудлаар 2021 онд дараах тайлбарыг өгч байжээ.
Олон жил засвар хийгдэж байгаа нэрээр өнгө төрхөө бага багаар өөрчилсөөр буй цирк....
2020 он
2022 он
2024 он
Баярлалаа
|
68 СЭТГЭГДЭЛТЭЙ
|
