ХУУЧИРСАН МЭДЭЭ: 2015/07/22-НД НИЙТЛЭГДСЭН

ФОТО МЭДЭЭ: “АМГАЛАН" дулааны станцын барилга угсралтын ажил 95 хувьтай байна

Д.Эрдэнэцэцэг, iKon.mn
2015 оны 7 сарын 22
iKon.MN

- “АМГАЛАН" дулааны станцыг ирэх аравдугаар сарын 15-нд бүрэн ашиглалтад оруулна-

2013 онд эхлүүлсэн “АМГАЛАН" дулааны станцын барилга угсралтын ажил өнөөдрийн байдлаар 95 хувьтай байна. Уг станцыг ирэх аравдугаар сарын 15-нд ашиглалтад хүлээлгэж өгөх учиртай. Энэ хүрээнд Ерөнхий сайд Ч.Сайханбилэг, Эрчим Хүчний сайд Д.Зоригт, Хотын дарга Э.Бат-Үүл тэргүүтэй албаныхан өнөөдөр станцын бүтээн байгуулалтын ажилтай танилцлаа. 


 “АМГАЛАН" дулааны станцын одоогийн нөхцөл байдлыг төслийн ерөнхий инженер Ц.Цогтсайхан танилцуулж, Ерөнхий сайд Ч.Сайханбилэг станцыг барьж дуусгахад ямар бэрхшээл, саад, туслалцаа байгааг тодруулсан юм. 

Ц.Цогтсайхан инженер хэлэхдээ "Станцын үлдсэн хэсгийг дуусгахад 3.9 тэрбум төгрөг шаардлагатай байна. Тухайлбал, 110-н агаарын өргөтгөл шинэчлэлийн ажил, гадна талбайн төмөр замын завсар шинэчлэл /400 сая төгрөг/, 2-3 худаг нэмж ухах ажил гээд хөрөнгө шаардлагатай зүйлс цөөнгүй бий" гэсэн юм. 

Мөн станц барихад ашиглаж байгаа тоног төхөөрөмжүүдийн /БНХАУ-аас оруулж ирсэн/ хугацааг сунгаж өгөхийг ГЕГ-аас хүслээ.

Энэхүү станц нь нийт өртөг нь 75.9 сая ам.доллар бөгөөд Монгол Улсын Хөгжлийн банкнаас Бондын хөрөнгөөр санхүүжүүлж байгаа.

“АМГАЛАН" ДУЛААНЫ СТАНЦЫН ХҮЧИН ЧАДАЛ:


  • 348 МВт /Улаанбаатар хотын төв болон зүүн хэсгийн 13, 14, 15, 16 дугаар хорооллын дулаан хангамж сайжирна/
  • 20 мянган өрх, 250 орон сууцны дулаан хангамжийн нөхцөл сайжирч, 40 мянган өрх, 500 орон сууц шинээр дулаанаар хангагдах боломжтой болно.

116 МВт-ын хүчин чадалтай гурван ширхэг зуух, бүрэн компьютерийн удирдлагын систем, 2Ф700 мм-н диаметртэй хойд, урд хэсгийн дулаан дамжуулах гаргалгаа бүхий хоёр дулааны шугам, 110 кВ-ын хоёр хэлхээт 350м цахилгаан дамжуулах агаарын шугам, цахилгааны дэд станц, түлш дамжуулах байгууламжууд, төмөр замын өргөтгел, сулжээний усны насос, шугам хоолой болон цахилгаан хуваарилах байгууламжийн барилга, тоног төхөөрөмжүүдийг суурилуулсан.

“АМГАЛАН" ДУЛААНЫ СТАНЦЫН УГСРАЛТЫН ГҮЙЦЭТГЭЛҮҮД:


  • Дулааны станцын үндсэн барилгын угсралтын ажил 94 хувь
  • Зуух №1-н угсралтын ажлын нийт гүйцэтгэл 98 хувьтай, химийн угаалга, туршилт тохируулга хийхэд бэлэн болсон.
  • Зуух №2-н угсралтын ажлын нийт гүйцэтгэл 98 хувь
  • Зуух №3-н угсралтын ажлын нийт гүйцэтгэл 90 хувь
  • Уутат шүүлтүүрийн угсралтын ажпын 95 хувь
  • Утаа сорогч болон утаа сорогчийн барилга угсралтын ажил 98 хувь
  • Яндангийн барилга угсралтын ажил 100 хувь
  • Вагон хөмрөгчийн барилга угсралтын ажил 96 хувь
  • Түлш дамжуулах конвейерийн барилга угсралтын ажил 97 хувь
  • Нийт барилга угсралтын ажил 95 хувьтай байна
Гүйцэтгэгч компани нь БНХАУ-ын “СМЕС” CO.,LTD, гэрээ байгуулсан өдөр 2013.04.12, станцыг ашиглалтад өгөх өдөр  2015.10.15
Зураг
1

Зураг
2

Зураг
3

Зураг
4

Зураг
5

Зураг
6

Зураг
7

Зураг
8

Зураг
9

1 СЭТГЭГДЭЛТЭЙ
0/1000
Эхний
Сүүлийн
Шилдэг
Зочин [98.227.28.59] 2015/7/22
Bohiroo haash ni ursgah gej baina daa
1 | 1 Хариулах