ФОТО: Ховд аймгийн Үенчийн хавцал

Ховд аймгийн Үенч сумын нутагт орших Үенч голын дагуу өндөр хадан хавцлууд олон. Тэднийг Үенчийн хавцал хэмээнэ. Үенчийн хавцлын дагуу морин хад, могой хад, арслан хад гэх мэт өвөрмөц сонин тогтоцтой газрууд олон байдаг ажээ. 

Үенч сум нь 1931 онд байгуулагдсан. Тус сум нь Цагаан түнгэ, Нарийн гол, Жаргалан, Улиаст, Хөх үзүүр гэсэн таван багтай бөгөөд нийт мянга гаруй өрхийн 5000 орчим хүн амьдардаг ажээ. 

Үенч сум Ховд аймгийн томоохон сумдын нэг бөгөөд хүн амын тоогоороо аймагтаа хоёрдугаарт, газар нутгийн хэмжээгээр гутгаарт ордог юм байна.

Суманд байгаль, түүхийн олон дурсгалт газрууд байдгаас Ямаан усны хадны сүг зураг, Харуул овоо, Баян салаан хүн чулуун хөшөө, Мэргэн, Хавтаг, Байтаг дах баатруудын хөшөө нь хамгийн алдартай.

Мөн буга, аргаль, янгир, хулан, хар сүүлтий, ирвэс, чоно, үнэг, шилүүс, суусар, тарвага, туулай, зурам, мануул, үен тас, бүргэд, шар шувуу, ятуу, хойлог, дэлхийд ховордсон шонхор шувуу зэрэг жигүүртэн зэрэг амьтдаар баялаг төдийгүй эмийн ургамал, байгалийн нөөц баялаг ихтэй газар юм.

 

Гэрэл зурагчин Б.Баяр
Гэрэл зурагчин Б.Баяр нь 2006 оноос хойш уран бүтээлээ туурвиж байгаа юм. Тэрээр эдийн засагч мэргэжилтэй хэдий ч өөрийн хүсэл сонирхлоор зураг авдаг болсон байна.

Мөн тэрээр Монголын үзэсгэлэнт байгаль, газар зүйн тогтоц, онгон зэрлэг амьдрал, шувууд, хүмүүсийн амьдралын хэв маягийг өөрийн дуранд буулгах зорилготой ажилладаг юм байна.

Ингээд та бүхэнд гэрэл зурагчин Б.Баярын Ховд аймгийн Үенч сумаар аялахдаа авсан гайхалтай зургуудыг толилуулж байна. Б.Баярын Facebook хуудсанд зочилж түүний бүтээлүүдтэй танилцана уу

Бид түүний нүд баясгаж, сэтгэл сэргээм гэрэл зургуудыг цувралаар хүргэж байгаа билээ.

1

2

3

4

5

6

7

8

9

10

11

12

13

14

15

16

17

18

19

20

21

22