2019/10/21
Америк доллар
МОНГОЛ БАНК:
2,679.03₮
B30
УЛААНБААТАР
|
-4°
B30
УЛААНБААТАР
|
-5°
B30
УЛААНБААТАР
|
-9°
03:00
S29
-3°
04:00
S29
-4°
05:00
S29
-4°
06:00
S29
-4°
07:00
S29
-4°
08:00
S30
-3°
09:00
S26
-1°
10:00
S26
11:00
S26
12:00
S26
13:00
S26
14:00
S26
Энэ мэдээ хуучирсан буюу 2017/04/05 -нд нийтлэгдсэн мэдээ болно.

"Татвар төлөгчид анх удаа татвар төлөхгүй гэдгээ мэдэгдлээ"

Т.Өлзийбаяр, iKon.mn
2017 оны 4 сарын 5
iKon.MN
Гэрэл зургийг mpa.mn

Монголын Үндэсний Худалдаа Аж Үйлдвэрийн Танхимын төлөөллүүд болон бизнес эрхлэгчид "Төсвийн тодотгол, татварын" асуудлаар өнөөдөр мэдээлэл хийлээ.

Хурлын үеэр Засгийн газраас ОУВС-ийн хөтөлбөрт хамрагдахын тулд долоон төрлийн татвар нэмж байгаатай холбогдуулан МҮХАҮТ-аас албан ёсны мэдэгдэл гарган УИХ болон холбогдох байгууллагуудад хүргүүлэхээр болсон талаар мэдээллээ.

 Хуралд МҮХАҮТ-ын ерөнхийлөгч Б. Лхагважав болон танхимын удирдлагууд, тэргүүлэгч, зөвлөлийн гишүүд, бизнес эрхлэгчдийн төлөөлөл  оролцлоо.

Энэ талаар МҮХАҮТ-ын ерөнхийлөгч Б.Лхагважав

 “УИХ-ын чуулган өнөөдөр эхэлж байна. Чуулганаар эдийн засаг, татвар төлөгчид, бизнес эрхлэгчидтэй холбоотой хэд хэдэн хуулийн төслийг хэлэлцэхээр болсон. Ялангуяа долоон төрлийн татвар нэмэх асуудал. Иймд худалдаа аж үйлдвэрийн танхимын удирдах болон тэргүүлэгчдийн хурлаа хийж дараах шийдвэрүүдийг гаргаж УИХ-д хүргүүлэхээр тогтлоо.  

Үүнд:

  1. Төсвийн зардлыг 2017 оны батлагдсан төсвөөс огт нэмэгдүүлэхгүй байх. Монгол Улсын 2017 оны нэгдсэн төсвийн тодотголоор нийт зарлага ба цэвэр зээлийг батлагдсан түвшнээс 220.7 тэрбум төгрөгөөр нэмсэн байна
  2. Төрийн захиргааны албан хаагчдийн тоог 20 %, үйлчилгээний албан хаагчдийн тоог 10%-иар тус тус бууруулах. 2012 оноос хойш төрийн албан хаагчдийн тоо ойролцоогоор 15 хувь буюу 24 мянгаар өссөн байна. Мөн төрийн албан хаагчдийн шаардлагагүй зардал, нэг удаагийн буцалтгүй тусламж, тэтгэмжийг зогсоох;
  3. Нийгмийн даатгалын шимтгэлийг нэмэгдүүлэхгүй байх. Эдийн засаг хямралтай, аж ахуйн нэгжүүдийн ашиг орлого буурсан хүнд нөхцөл байдалд НДШ-ийг нэмэгдүүлэх нь ажлын байр буурах, улмаар ядуурал ихсэх нөхцөл болно; 
  4. Хувь хүний орлогын албан татварыг нэмэгдүүлэхгүй байх;  
  5. Тодорхой салбарт дэмжлэг үзүүлэх, зарим барааны үнэ тогтворжуулах нэрийн дор зах зээлийн зарчмаар тэгш, шударга өрсөлдөх боломжийг хааж буй татварын хөнгөлөлт, чөлөөлөлтүүдийг үзүүлэхгүй байх;
  6. Онцгой албан татварыг нэмэгдүүлэхгүй байх; 
  7. Төсвөөс татаас авдаг, алдагдал өндөртэй төрийн өмчит аж ахуйн нэгжүүдийг хувьчлах, татан буулгах асуудлыг яаралтай шийдвэрлэх;
  8. Тэтгэврийн насыг үе шаттай нэмэх асуудалд тооцоо, судалгаатай хандан шийдвэр гаргах. Энд баталгаатай ажлын байртай төрийн 183 мянга гаруй албан хаагчдийн тэтгэврийн насыг нэмэх асуудлыг төр өөрөө мэдэж зохицуулах боломжтой ч чөлөөт зах зээлд ажиллаж байгаа 1 сая гаруй иргэд баталгаагүй, тогтворгүй ажлын байранд ажилладаг гэдгийг онцгойлон анхаарах шаардлагатай. Мөн монгол хүний насжилт, салбарын онцлог, ажлын байрны нөхцөл, тогтвортой байдал зэрэг хүчин зүйлүүдийг харгалзан үзэх хэрэгтэй. 

Иймд МУ-ын их хурал 2017 оны төсвийн тодотголыг хэлэлцэн шийдвэрлэхээс өмнө УИХ-ын гишүүдээс бүрдсэн ажлыг хэсэг гарган эдгээр шаардлагуудыг судлан шийдвэрлэхийг УИХ-ын дарга М.Энхболд болон гишүүдээс шаардаж байна. 

Энэхүү шаардлагыг хүлээн авч нааштайгаар шийдвэрлэхгүй тохиолдолд 2017 оны  дөрөвдүгээр сарын 10-нд төлөх гуравдугаар сарын нэмэгдсэн өртөгийн албан татвар, дөрөвдүгээр сарын 15-нд төлөх дөрөвдүгээр улирлын аж ахуйн нэгжийн албан татвар,тавдугаар сард төлөх дөрөвдүгээр сарын нийгмийн  даатгалын шимтгэлийг төлөхгүй байхыг нийт аж ахуйн нэгжүүдэд уриалж байна” гэв

Сүүлийн 20 жилд анх удаа татварын орлого бүх төрлөөр биелсэн байна

Түүнчлэн “ОУВС бол балансыг тэнцвэржүүлдэг байгууллага, түүнээс хөгжлийг авчирдаггүй. Энэ байгууллагын нэрийг ашиглаж засгийн газар судалгаагүй ажлууд хийж байна.

 Сүүлийн 20 жилд анх удаа татварын орлого бүх төрлөөр биелсэн байна.Мөн 2017 оны эхний гурван сард таварын орлго 30 хувиар давж биеллээ. Үүнээс дүгнэхэд татварын эрх зүйн орчны эрх зүйн шинэчлэлийн системийн эхлэл тавигдаж  үр дүн нь эдийн засагт хүндрэлтэй байгаа хэдий ч  татварын орлого зөвхөн 2016 оны нэгдүгээр сарын 1-нээс өнөөдрийг хүртэлх хугацаанд 800 тэрбум төгрөгөөр давсан байна.

Ийнхүү таварын суурь өргөжиж татварын орлого бүрдүүлэх нааштай үр дүн гарч байгаа энэ үед засгийн газраас төсвийн зардлыг нэмэгдүүлэх, тэтгэврийн насыг нэмэх зэргийг эсэргүүцэж байна.

 Түүнчлэн 2016 оны намрын чуулганаар хэлэлцүүлж байсан татвар нэмэх асуудлыг ОУВС-ийн өргөтгөсөн санхүүжилтийн хөтөлбөр хэрэгжүүлэх нэрээр 2017 оны төсвийн тодотголыг УИХ-д өргөн барьж байгаатай холбогдуулан бизнесийн төлөөллийн гол байгууллагын хувьд МҮХАҮТ эдгээр  санал шаардлагуудыг хүргүүлж байна" гэлээ

Шаардлага хүргүүлсний дараагийн шатанд бизнесмэнүүд ч ажил хаяж болно
 
Гэрэл зургийг mpa.mn

Хурлын төгсгөлд МҮХАҮТ-ын танхимын удирдлагууд болон бизнес эрхлэгчид сэтгүүлчдийн асуултанд хариулт өглөө

-ОУВС-ийн хөтөлбөрт хамрагдахаар болчихлоо. Үүнийг зогсоох ямар нэг арга эрэлхийж үзэв үү?

-Зогсоох талаар бид яриагүй.ОУВС-ын зүгээс зөвхөн орлогоо нэм зардлаа бас нэм гэсэн шаардлага тавихгүй. Зардлаа хас гэсэн байж таараа. Гэтэл засгийнхан төсвийн тодотгол дээр зардалаа хасах нь бүү хэл харин ч нэмэгдүүлсэн байна. Гол асуудал үүнд л байна.

-ААН-үүд татвараа төлөхгүй гэлээ. татварын байгууллагуудаас ямар нэгэн дарамт шахалт ирэх болов уу? Үүнийг тооцсон уу?  

- Татвар төлөхгүй гэдэг МУ-ын хэмжээнд анх удаагаа гарч байгаа. ОУВС-аас 400 сая доллар авахын төлөө бүх татвар төлөгч нарт дарамт үзүүлэх гэж байгаа бол татвар төлөгчид татвараа шилжүүлэхгүй байх эрхтэй. Шударгаар олсон хөдөлмөрөөсөө шударгаар татвар төлнө. Нийгмийн сайн сайхны төлөө л татвар төлнө. Түүнээс хэдэн дарга нарын цалин нэмэхийн тулд татвар төлдөггүй. Шаардлага хүргүүлсний дараагийн шатанд бизнесмэнүүд ч ажил хаяж болно.  

x