С.Зоригийг хөнөөсөн хэргийн шүүх хурлыг 7 ХОНОГООР ХОЙШЛУУЛЛАА
12:50 2016/12/14
Өнөөдөр эхэлсэн С.Зориг агсны амь насыг хөнөөсөн хэргийн шүүх хурлыг хойшлуулсан.
Энэ талаар Сүхбаатар Баянзүрх Чингэлтэй дүүргийн Эрүүгийн хэргийн анхан шатны шүүхийн хэвлэл мэдээлэл хариуцсан ажилтан Л.Мөнхтуяа мэдээлэл өглөө.
Тэрбээр "Арванхоёрдугаар сарын 21-ний 10:00 цаг хүртэл шүүх хурлыг хойшлуулсан. Шүүгдэгч, шүүгдэгчдийн өмгөөлөгч, хохирогчийн өмгөөлөгчөөс хавтаст хэрэгтэй танилцах боломжоор хангаж шүүх хурлыг хойшлуулж өгнө үү гэсэн хүсэлт гаргасан.
Мөн шүүх хуралдаанд гэрчийг оролцуулах хүсэлт гаргасан. Шүүх бүрэлдэхүүн уг хүсэлтийг хангаж арванхоёрдугаар сарын 21-ний 10:00 цаг хүртэл шүүх хурлыг хойшлуулах шийдвэр гаргалаа" гэв.
11:42 2016/12/14
18 жилийн турш шалгасан гэмт хэргийн шүүх хурал 11:28 цагт эхэллээ
С.Зориг агсны амь насыг хэрцгийгээр хөнөөсөн хэргийн шүүх хурал 11:28 цагт эхэллээ.
Шүүх хурлыг даргалагч М.Алдар яллагдагчдын холбогдсон хэргийн зүйл ангийг уншиж танилцуулснаар шүүх хурал эхэлж, цаашаа хаалттай үргэлжилж байна.
Ийнхүү хурлаа эхлүүлсний дараа хэвлэл мэдээллийнхнийг шүүх хурлын танхимаас гаргалаа.
Энэ хэрэг улсын нууцтай холбоотой учир хохирогч, сэжигтний ар гэрийнхнийг шүүх хуралд оруулаагүй.
Шүүх хуралдаан хэргийн холбогдогч тэдний өмгөөлөгч, хохирогчийн өмгөөлөгч, улсын яллагч, иргэдийн төлөөлөл, шүүх хуралдааны нарийн бичиг гэсэн бүрэлдэхүүнтэйгээр цагдаа, тагнуулын байгууллагын хатуу хяналт дор үргэлжилж байна.
Шүүх хурлын оролцогч талуудаас гаргасан хүсэлтийг хүлээн авч, хурлыг хойшлуулах эсэхийг шүүх бүрэлдэхүүн шийднэ.
Ингэхдээ шүүх бүрэлдэхүүн танхимаас гарч зөвлөлдсөний эцэст шийдвэрээ танилцуулна.
Гэрэл зургийг Mpa.mn
12:50 2016/12/14
Өнөөдөр эхэлсэн С.Зориг агсны амь насыг хөнөөсөн хэргийн шүүх хурлыг хойшлуулсан.
Энэ талаар Сүхбаатар Баянзүрх Чингэлтэй дүүргийн Эрүүгийн хэргийн анхан шатны шүүхийн хэвлэл мэдээлэл хариуцсан ажилтан Л.Мөнхтуяа мэдээлэл өглөө.
Тэрбээр "Арванхоёрдугаар сарын 21-ний 10:00 цаг хүртэл шүүх хурлыг хойшлуулсан. Шүүгдэгч, шүүгдэгчдийн өмгөөлөгч, хохирогчийн өмгөөлөгчөөс хавтаст хэрэгтэй танилцах боломжоор хангаж шүүх хурлыг хойшлуулж өгнө үү гэсэн хүсэлт гаргасан.
Мөн шүүх хуралдаанд гэрчийг оролцуулах хүсэлт гаргасан. Шүүх бүрэлдэхүүн уг хүсэлтийг хангаж арванхоёрдугаар сарын 21-ний 10:00 цаг хүртэл шүүх хурлыг хойшлуулах шийдвэр гаргалаа" гэв.
