ХУУЧИРСАН МЭДЭЭ: 2016/05/20-НД НИЙТЛЭГДСЭН
ФОТО: Хатагтай Пак Гын Хэ Монгол Улсын ерөнхийлөгчийг ингэж угтжээ
iKon.MN
Монгол Улсын Ерөнхийлөгч Ц.Элбэгдорж БНСУ-д айлчилж байгаа билээ. Ерөнхийлөгчийг тус улсын “Хөх ордон”-д хүрэлцэн ирэхэд БНСУ-ын Ерөнхийлөгч Пак Гын Хэ угтах ёслол хийж тавтай морилохыг хүслээ.
Монгол Улсын Ерөнхийлөгч Ц.Элбэгдоржийг хоёр орны далбаа барьсан хүүхдүүд Монголоор мэндчилэн угтсан байна.
Угтах ёслолд Монголын талаас Монгол Улсын Гадаад хэргийн сайд Лүндэгийн Пүрэвсүрэн, Монгол Улсаас Бүгд Найрамдах Солонгос Улсад суугаа Онц бөгөөд Бүрэн эрхт Элчин сайд Баасанжавын Ганболд , Нийслэлийн Засаг дарга бөгөөд Улаанбаатар хотын захирагч Эрдэнийн Бат-үүл болон албаны хүмүүс БНСУ-н талаас Шадар сайд бөгөөд Стратеги, сангийн сайд Ю Иль Хо, Гадаад хэргийн сайд Юн Бён Сэ, Засаг захиргааны сайд Хун Юн Шиг, Соёл, спорт, аялал жуулчлалын сайд Ким Жун Дог, Аж үйлдвэр, Худалдаа, эрчим хүчний сайд Жу Хён Хван, Газар, дэд бүтэц, тээврийн сайд Кан Ху Ин, Ерөнхийлөгчийн тамгын газрын дарга Ли Вон Жун болон албаны хүмүүс байлцжээ.
Ингээд Угтах ёслолын фотог сонирхуулъя.
