Томуу, томуу төст өвчний дэгдэлт багастал эмнэлгүүд уртасгасан цагаар ажиллана
Сүүлийн үед Нийслэлд томуу, томуу төст өвчний тархалт нэтэгджээ. Энэ талаар Нийслэлийн Эрүүл мэндийн газрын Халдварт өвчний тандалт хариуцсан мэргэжилтэн Б.Баатарсүхээс тодрууллаа.
-Өнгөрсөн онтой харьцуулахад томуу, томуу төст өвчний дэгдэлт энэ жил ямар хуу байгаа вэ?
-Томуу, томуу төст өвчний дэгдэлт өмнөх жилийн мөн үеэс 4.3 хувиар нэмэгдсэн үзүүлэлттэй байгаа.
Тухайлбал, энэ сарын 15-21-ний хооронд буюу долоо хоногийн байдлаар томуу, томуу төст өвчинтэй холбоотой өвчлөл энэ сарын 8-14-нөөс 0.7 хувиар нэмэгдсэн байна.
Өөрөөр хэлбэл, 73274 хүнд амбулторын үзлэг хийснээс 8588 тохиолдол гарсан гэсэн үг.
Дүүргүүдийн хувьд энэ сарын 8-14-ний өдрүүдийн үзүүлэлттэй харьцуулахад,
- Сүхбааатар 3.6,
- Хан-Уул 2.1,
- Баянгол 1.9,
- Налайх 1.5,
- Чингэлтэй дүүрэгт 0.4 хувиар өссөн үзүүлэлттэй байна.
Нийт амбулторын үйлчлүүлсэн иргэдийн 79.1 хувийг 0-9 насны хүүхдүүд эзэлж байгаа.
Томуутай хүмүүсийн ихэнх нь буюу 98 хувь нь хүүхэд эзэлсэн.
Хүүхдийн түргэн тусламжийн 2214 дуудпагын 1128 тохиолдол буюу 50.9 хувь нь томуу, томуу төст өвчин гэж оношлогдсон.
Ерөнхийдөө хүүхдийн өвчлөл ийм байдалтай байгаа.
-Сүүлийн үед эмнэлгүүдэд хүүхдийн тасаг хамгийн их ачаалалтай ажиллаж байгаа гэсэн. Ер нь Нийслэлийн хэмжээнд эмнэлгүүдийн орны ачаалал хэр байгаа бол?
-Энэ сарын 8-14-ны байдлаар орны ачаалал 669 орон дээр 847 хүүхэд хэвтэж байсан. Энэ нь дунджаар 71.4 хувиар орны ачаалал хэтэрсэн байдалтай байсан гэсэн үг.
Манай харьяа эмнэлгүүдийн төвшинд үзэхэд, Багахангай, Чингэлтэйн эрүүл мэндийн төвүүд орны ачаалал нэг дахин нэмэгдсэн.
- Хан-Уул 85,
- Баянгол 68.5,
- Сүхбаатар 68,
- Баянзүрх дүүргийн Нэгдсэн эмнэлэг 61.6 хувиар тус тус хэтрэлттэй байсан гэдгийг бид хандалтаараа тогтоосон.
Түүнчлэн эмнэлэгт шинээр хэвтсэн хүмүүсийн дунд томуу, томуу төст өвчний онцлог тандалт хийдэг. Энэ сарын 8-14-ний байдлаар 364 хүн шинээр эмнэлэгт хэвтсэнээс 47.3 хувь нь томуу өвчтэй байсан.
Эдгээр томуутай хүмүүсийн ихэнх нь буюу 98 хувь нь хүүхэд эзэлсэн. Энэ үе бол улирлын шинжтэй томуугийн дэгдэлтийн үе. Гэхдээ урьд жилүүдээс бага зэрэг их байна.
Тиймээс хүүхдүүдийн дундах томуу өвчний дэгдэлт буурах магадлалтай.
-Томуугийн өвчлөлтэй холбоотойгоор Нийслэлийн Эрүүл мэндийн газраас ямар арга хэмжээ авч ажиллаж байгаа вэ?
-Томуугийн өвчлөлтэй холбоотойгоор Нийслэлийн Эрүүл мэндийн газраас хэд хэдэн төрлийн үйл ажиллагааг аравдугаар cap буюу томуугийг дэгдэлтийн улирал эхлэхээс өмнө угтаж зохион байгуулж явуулдаг.
Тухайлбал, урьдчилан сэргийлэх зөвлөмж зөвлөгөөг иргэдэд хүргэх, эмнэлгүүдийн томуугийн үед ажиллах бэлэн байдалд бэлэн байх бэлтгэл хангах, иргэдийг дархлаажуулах зэрэг үйл ажиллагааг явуулдаг.
Түүнчлэн өвчлөл эхлээд зайлшгүй ор нэмэх шаардлагатай эмнэлгүүдийн орыг нэмэгдүүлэх, өрхийн эрүүл мэндиин төвүүдийн ажлын цагийг уртасгах зэрэг зохион байгуулалтын ажил хийгдэж байгаа.
Мөн эмнэлгүүд хүүхдийн тасгуудын ачаалал ихэсч байгаатай холбоотой тухайн эмнэлгийн насанд хүрэгчдийн орны 20-30 хувийг хүүхдийн тусламж үйлчилгээнд шилжүүлсэн.
-Ийнхүү утасгасан цагийн хуваариар ажиллах хугацаа хэзээ дуусгавар болох вэ?
-Өрхийн эрүүл мэндийн төвүүд ажлын өдөр 17-19 цагийн хороонд цагаа уртасгаж ажиллаж байгаа.
Амралтын өдөр бямба гарагт 10-14 цагийн хороонд иргэдэд үйлчилгээ үзүүлнэ.
Өрхийн эрүүл мэндийн төвүүд ажлын өдөр 17-19 цагийн хороонд цагаа уртасгаж ажиллаж байгаа.
Бид томуу байдлыг ажиглаж байгаа дэгдэлт тодорхой хэмжээнд бууртал эмнэлгүүд уртгасан цагаар ажиллах болно.
Өөрөөр хэлбэл, амбулторын үзлэгийн зургаагаас доош хувьд хүрсэн цагт эмнэлгүүд энгийн цагийн хуваарийн дагуу ажиллуулана.
-Томуугийг дэгдэл улирал эхлэхээс өмнө угтаж иргэдийн дархлааг сайжруулах үүднээс витаминжуулах ажлыг хийдэг юм бэ?
-Витаминжуулах ажлыг бүрийн томуугийн дэгдэлтийг угтаж хийдэг бэлтгэл ажлын нэг хэсэг. Тухайлбал эмнэлгийн ажилчдаа дархлаажуулдаг.
Томуу дархлаажуулалт өөрөө дурын дархлаажуулалтад ордог учир тодорхой хэмжээний төлбөртөйгөөр хүссэн хүн томуугаар өвдөхгүй байхыг хүсвэл ХӨСҮГ-дээр очоод дархлаажуулалтад хамрагдаж болно.
