2019/11/21
Америк доллар
МОНГОЛ БАНК:
2,705.07₮
B30
УЛААНБААТАР
-13°
|
-14°
B30
УЛААНБААТАР
-17°
|
-22°
B30
УЛААНБААТАР
-14°
|
-25°
00:00
S29
-11°
01:00
S29
-11°
02:00
S26
-11°
03:00
S26
-11°
04:00
S26
-12°
05:00
S26
-14°
06:00
S26
-15°
07:00
S26
-16°
08:00
S20
-16°
09:00
S26
-17°
10:00
S26
-17°
11:00
S26
-17°
Энэ мэдээ хуучирсан буюу 2014/12/10 -нд нийтлэгдсэн мэдээ болно.

Лили Аллен: Амьдрал маань орвонгоороо эргэсэн

Б.Даваахүү
2014 оны 12 сарын 10
Монголын мэдээ

Дуучин Лили Аллен урлагийн замналаасаа гэнэт хөндийрч завсарлага авснаас хойш таван жил өнгөрчээ. Барилгын компанийн босс Сэм Купертэй гэрлэж, хоёр хөөрхөн охины ээж болсон дуучин бүсгүй удаан хугацаанд завсарласны эцэст өөрийн бие даасан гурав дахь “Sheezus” цомгоо гаргаад байгаа юм. Поп дивагаас жирийн нэгэн айлын эзэгтэй болсон Лили Аллений уран бүтээл, амьдралынхаа талаар дэлгэсэн ярилцлагыг хүргэе.

-Юуны өмнө шинэхэн цомог тань Британийн чартуудад тэргүүлж буйд баяр хүргэе. Энэ удаагийн цомгийн тань талаар яриагаа эхэлье?

-“Sheezus” цомог маань бодож төсөөлж байснаас илүү олон хүнд хүрч, миний уран бүтээл гарахыг хүмүүс хэчнээн хүлээж байсныг надад мэдрүүлж өгсөнд үнэхээр их баяртай байгаа.

Энэ цомгоо бараг л тохиолдлоор гаргахаар болсон. Сэдвийн хувьд ихэнх нь эмэгтэйчүүдэд энгийн санагдаж байгаа байх.

Дуу маань нөхөртөө болон охидууддаа зориулж буй хайрын минь илэрхийлэл болсон уран бүтээл байгаа юм.

Тогтворгүй байдал, өөртөө эргэлзэх, атаархах гээд эмэгтэйчүүдээс гардаг сэтгэлийн хөдлөлөөр цомгоо нэрлэх санаатай нэлээд судалгаа хийсэн.

Харин эцэст нь “Sheezus” гэж нэрлэхээр болсон юм. Би дуучин Канье Уэстийг уран бүтээлч хүнийх нь хувьд хүндэтгэдэг.

Тийм болохоор түүний өнгөрсөн жил гаргасан “Yeezus” цомогтой адил нэрлэхээр шийдсэн. Дуучин Канье Уэст “Канье” гэдгийн товчлол “Үе” болон “Jesus-ыг нийлүүлээд цомгоо “Yeezus” гэж нэрлэсэн байсан.

Харин миний хувьд “Үе” гэдгийг нь “She” болгон өөрчлөөд “Sheezus” гэж нэрлэсэн юм.

-Энэ цомогг багтаж байгаа “As Long As I Got You” дууны клипт2014 оны Гластонбурийн фестивалийн үеэр авсан үйл явдал болоод гэр бүлийн тань зурагнууд дүрслэгдсэн байсан. Клипнийхээ талаар яриач?

 

 

-Би бага байхаасаа гэр бүлийнхэнтэйгээ хамт Гластонбурийн фестивальд оролцдог байсан. Тиймээс ч миний хувьд онцгой газар байгаа юм. Таван жилийн өмнө нөхөр Сэмтэйгээ мөн л фестиваль дээр танилцаж байсан.

Энэ дуу маань нөхөртөө болон охидууддаа зориулж буй хайрын минь илэрхийлэл болсон уран бүтээл байгаа юм.Тиймээс энэ их аз жаргалыг надад хайрласан тэр газартаа клипнийхээ зураг авалтыг хийсэн.

-Гэрлэлт, шинэ хүнээ хүлээж авах гээд гэр бүлийн амьдрал ганц бие үеийнхээс чинь хэр өөрчлөгдөв?

-Амьдрал маань орвонгоороо эргэсэн. Өөрийнхөө хүсэл сонирхлыг хойш тавьж, ямагт гэр бүлээ нэгдүгээрт тавихад суралцаж, ойлгож байна.

Нөхөр маань ч гэсэн өөрийнхөө дуртай ажил, гэр бүлийнхээ амьдралыг аль алиныг нь зохицуулаад аваад явахад бүхий л талаар дэмждэг юм.

-Үснийхээ хэв маягийг үргэлж өөрчилдөг шүү дээ. Сүүлийн үед ягаан нил ягаан өнгийг хослуулан будуулдаг болжээ?

-Миний найз Алекс Лондонд “Bleach” гэдэг нэртэй салон ажиллуулдаг юм. Тэгээд л миний үсийг ийм гайхалтай неон градиент өнгөтэй болгож өгсөн. Гоё байгаа биз дээ.

-Дуучин Майли Сайрусын “Bangerz” аялан тоглолтод яагаад оролцох болов?

-Би Майли Сайрусыг үргэлж л биширч ирсэн. Телевизийн нэвтрүүлэгт оролцохдоо яаж ийм гайхалтай харагдаж, амьд тоглолт хийхдээ яаж ингэж төгс байдаг байна гээд л. Түүний тоглолтод оролцох миний мөрөөдөл байсан.

Нэлээд хэдэн жил Америкт аялан тоглолт хийж чадаагүй болохоор түүний томоохон хэмжээний “Bangerz” тоглолтод оролцон, америкчуудад дахин өөрийгөө харуулах сайхан боломж гарсанд баяртай байгаа. Үнэхээр хөгжилтэй, адал явдлаар дүүрэн байлаа.

x