Ховд аймгийн Буянт суманд сураггүй алга болсон 10 настай охиныг эрэн хайх ажиллагаанд 77 хүн оролцож байна
Ховд аймгийн Буянт сум Норжинхайрхан багаас бага насны хүүхэд 2026 оны наймдугаар сарын 1-ний өдрийн 09:00 цагийн орчим тарвас хураах ажилд явна гэж гэрээсээ явган гараад сураггүй болсон тухай дуудлагыг онцгой байдлын алба наймдугаар сарын 2-ны 20:40 цагт хүлээн авсан.
Дуудлагын дагуу Аймгийн Онцгой байдлын газар, Зэвсэгт хүчний 123 дугаар анги, сумын Мэргэжлийн анги, ар гэрийн нийт 77 хүн, 8 автомашин, 3 мотоцикл, 1 дрон, 1 эрэлч нохойтойгоор А /10 настай, эмэгтэй/-г эрэн хайх ажиллагааг зохион байгуулж байна гэж Онцгой Байдлын Ерөнхий Газар(ОБЕГ)-аас мэдээллээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
