Ажил хийж буй оюутныг нийгмийн даатгалын шимтгэлээс чөлөөлөхөөр хуулийн төсөлд тусгажээ
iKon.MN
Гэрэл зургийг MPA агентлагийн онцгой зөвшөөрөлтэйгөөр ашиглав
Нийгмийн даатгалын ерөнхий хуульд нэмэлт, өөрчлөлт оруулах тухай хуулийн төсөлд тусгасан хөнгөлөлт, чөлөөлөлтийн талаар Ерөнхий сайд өнөөдөр танилцуулсан.
Тухайлбал
- 22 нас хүртэлх насны оюутан ажил хийж буй тохиолдолд ажилтан, ажил олгогчийг нийгмийн даатгалын шимтгэлээс бүрэн чөлөөлнө,
- даатгуулагч хэд хэдэн гэрээгээр давхар ажил эрхэлбэл хоёр хүртэлх гэрээг өөрөө сонгож, нийгмийн даатгалын шимтгэл төлнө. Бусдаас нь төлөхгүй,
- ажил олгогчийн санхүүгийн ачааллыг бууруулж, үйл ажиллагаанд нь дэмжлэг үзүүлэх зорилгоор ажил олгогчийн төлөх нийгмийн даатгалын шимтгэлийн хэмжээнд хязгаарыг хөдөлмөрийн хөлсний доод хэмжээг 10 дахин нэмэгдүүлсэнтэй тэнцэх хэмжээгээр тогтооно,
- жижиг, дунд бизнес эрхлэгч нарт зориулан тав хүртэлх ажилтантай компани, аж ахуйн нэгжийн гурван хүнийг нь нийгмийн даатгалын шимтгэлээс тодорхой хугацаанд чөлөөлнө. Таван хүн цалинжуулж байвал гурван хүнийг нь чөлөөлж байна гэсэн үг хэмээн Ерөнхий сайд Н.Учрал мэдэгдлээ.
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
