ЗӨВЛӨМЖ: Угаар мэдрэгч дуугарсан бол яаралтай гадаа гарч, агаар амьсгалах хэрэгтэй
iKon.MN
Гэрэл зургийг MPA агентлагийн онцгой зөвшөөрөлтэйгөөр ашиглав
Нийслэлийн Эрүүл Мэндийн Газраас мэдээлснээр арванхоёрдугаар сарын 9-10-нд шилжих шөнө нийслэл хотын Сонгинохайрхан, Баянзүрх дүүрэгт гурван өрхийн нийт найман иргэн угаартаж, нэг нь энджээ.
Угаар нь харагдахгүй, үнэргүй, хүчилтөрөгч дутмаг битүү орчинд дутуу шаталтаас үүсдэг байна. Хэрэв угаар мэдрэгч дуугарсан бол яаралтай гадаа гарч, цэвэр агаар амьсгалах хэрэгтэйг мэргэжлийн байгууллагаас зөвлөөд угаар мэдрэгчээ унтраахгүй байхыг санууллаа.
Угаарын хийн хордлогын шинж тэмдэг:
- Толгой өвдөх
- Чих шуугих
- Нүүр улайх (ягаан, хөхөлбөр туяатай болох)
- Огиулж бөөлжих
- Ханиалгах
- Ухаан балартаж унах
- Гуйвж, дайвах. Эдгээр шинж тэмдэг илэрвэл яаралтай 103 дугаарт дуудлага өгнө.
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
