Б.Жавхлан: Ирэх жил дор хаяж 90 сая тонн нүүрс экспортолно. Урд эрэлт байна, бидэнд нүүрс байна
Ирэх онд Монгол Улс 90 сая тонн нүүрс экспортлохоор төлөвлөсөн байна.
Төсвийн орлогод жин дардаг нүүрсний экспортын талаар Сангийн сайд Б.Жавхлан "Долдугаар сараас хойш нүүрсний үнэ тогтвортой байна. Ирэх онд бид нүүрс болон бусад түүхий эдийн үнэ дээр эерэг хүлээлт байхгүй, биет хэмжээн дээр төвлөрч ажиллана.
Энэ онд 85 сая тонн нүүрс гарах төлөвтэй байна. Ирэх жил дор хаяж 90 сая тонн нүүрс гаргана. Урд эрэлт байна, бидэнд нүүрс байна, олборлох хүчин чадал нь байна. Нэвтрэн өнгөрүүлэх чадвараа ч сайжруулсан.
Наймдугаар сард л гэхэд 8.7 сая тонн нүүрс гаргасан. Үүнийг 12 сараар бодвол 90 сая битгий хэл гаргах боломжтой. Наймдугаар сараас хойш тоо хэмжээ буураагүй" гэлээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
