Ирэх долоо хоногийн Лхагва гарагаас тээврийн хэрэгслийн улсын дугаарын тэгш, сондгой хязгаарлалт дуусгавар болно
Нийслэлийн төвийн зургаан дүүргийн хэмжээнд тээврийн хэрэгслийн улсын дугаарын тэгш, сондгойгоор ангилан авто замын хөдөлгөөнд оролцуулах зохицуулалт 08:00-20:00 цагийн хооронд бүсчлэл харгалзахгүйгээр мөрдөгдөж байна.
Тодруулбал өнөөдөр сондгой дугаараар төгссөн тээврийн хэрэгсэл хөдөлгөөнд оролцоно.
- Сондгой тоогоор төгссөн улсын дугаартай тээврийн хэрэгсэл есдүгээр сарын 9, 11, 13, 15-нд
- Тэгш тоогоор төгссөн улсын дугаартай бол есдүгээр сарын 10, 12, 14, 16-нд замын хөдөлгөөнд оролцоно.
Харин дараах тээврийн хэрэгслүүд тэгш, сондгой хязгаарлалтад хамаарахгүй байгаа юм.
- Зөвшөөрөл, тоноглол бүхий хүнсний бүтээгдэхүүний түгээлт, татан авалтын тээврийн хэрэгсэл,
- Оршуулгын үйл ажиллагаанд ашиглаж буй
- Авто зам, хот тохижилт, шугам сүлжээний засвар үйлчилгээ үзүүлдэг
- Дипломат байгууллага, гадаадын зочин төлөөлөгчдөд үйлчлэх
- Нийтийн тээвэр
- Жуулчин тээврийн зөвшөөрөлтэй
- Стандартын шаардлага хангасан такси үйлчилгээ,
- Сургууль, цэцэрлэг, байгууллагын ажилчдын тээвэр
- Таних тэмдэг бүхий хэвлэл мэдээллийн байгууллагын тээврийн хэрэгсэл.
ТЦА-наас өгсөн мэдээллээр ирэх долоо хоногийн Лхагва гарагаас/2025.09.17/ уг зохицуулалтын хугацаа дуусаж, хуучнаараа буюу долоо хоногийн ажлын өдрүүдэд тээврийн хэрэгслийн дугаарын хязгаарлалт үйлчлэх журам мөрдөгдөх юм байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
