"Татварын багц хуулийн нэмэлт өөрчлөлтөөр нэг хүүхдийн сургалтын зардлыг 100 хувь ХХОАТ-аас чөлөөлнө"
Татварын багц хуулийн нэмэлт өөрчлөлтийн төслийн талаар Улсын Их Хурал(УИХ)-ын гишүүн Х.Ганхуяг өнөөдөр танилцуулсан.
Энэ үеэрээ Хувь Хүний Орлогын Албан Татвар(ХХОАТ) төлөгчид үүсэх боломжийн талаар онцлон ярив. Тэрбээр "Тайлангаа гаргаж өгөөд иргэд ХХОАТ-ын тодорхой хувийн хөнгөлөлт буцаалтаа авах боломжтой. Жишээлбэл сарын 800,000 буюу жилийн 9,600,000 төгрөгийн орлоготой хүнийг ХХОАТ-аас 100 хувь чөлөөлнө.
Байр авахдаа 15 сая төгрөгийн хөнгөлөлт буцаалт эдэлнэ. Одоогоор 6 сая төгрөг байгаа.
Мөн нэг хүүхдийн сургалтын зардлыг 100 хувь ХХОАТ-аас чөлөөлнө. Гадаадын эсвэл дотоодын их, дээд сургууль уу гэдэг нь хамаагүй. Иргэд тайлангаа өөрсдөө бичээд явдаг болно. Засах боломжийг нь ч өгнө" гэлээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
