Т.Даваадалай: Улсын төсөв ₮2.4 их наядаар тасарч, нийслэл хот ₮130 тэрбумыг төвлөрүүлэхээр тодотгол хийж байна

Д.Янжиндулам, ikon.mn
2025 оны 7 сарын 9
iKon.MN
Зураг зураг
Гэрэл зургийг MPA агентлагийн онцгой зөвшөөрөлтэйгөөр ашиглав

Нийслэлийн төсвийн ерөнхийлөн захирагчийн 2024 оны төсвийн гүйцэтгэл батлах тухай, Нийслэлийн 2025 оны төсөвт нэмэлт, өөрчлөлт оруулах тухай зэрэг асуудлыг НИТХ-ын хуралдаанаар хэлэлцэж байна.

Төсвийн тодотголын тухай Нийслэлийн Засаг даргын Эдийн засгийн хөгжил, дэд бүтцийн асуудал хариуцсан нэгдүгээр орлогч Т.Даваадалай "Улсын төсөв 2.4 их наядаар тасарч байгаатай холбогдуулж Засгийн газрын хэмжээнд төсвийн тодотгол хийж байгаа. Төсвийн тухай хуульд заасны дагуу нийслэл хотын төсвөөс улсад 130 тэрбум төгрөгийн орлогыг нэмж төвлөрүүлэх, Орон нутгийн хөгжлийн сангаас 20 тэрбум төгрөг татсанаар нийт 150 тэрбум төгрөгийн эх үүсвэрийг бүрдүүлж, анхны хэлэлцүүлгийг хийж байна.

Нийслэлийн өмчүүдийг хувийн хэвшил, бизнесменүүд, нийслэлийн удирдлагад ажиллаж байсан албан хаагч нар хувьдаа завшиж, үнэгүй түрээсэлж байсныг арга хэмжээ авч, өмчүүдээ дуудлага худалдаанд оруулж байгаа. Жишээ нь элэгний гэгдэх Ж.Хатанбаатарын эмнэлгийн барилга, байгууламж, газрыг дурдаж болно.  Өөрийн өмч, газрыг буцаан авч, дуудлага худалдаанд оруулснаар 100 тэрбум төгрөгийг бүрдүүллээ.

Хоёрдугаарт, нийслэлд хэрэгжүүлж байгаа зарим төслийн барилга угсралтын ажил эхэлсэн. Долоон төслийн гүйцэтгэлтэй уялдуулж, гурван төсөл арга хэмжээг цуцалж 114 тэрбум төгрөг, нэмэлтээр долоон төрлийн арга хэмжээг дуусгах шаардлагатай гэж үзэн төсвийг нэмж, нийт тэнцлээр 61 тэрбум орчим төгрөгийг гарган авч улсын орлогыг бүрдүүлэхээр төсвийн тодотгол хийж байна” хэмээн тайлбарлалаа.

Энэ мэдээнд өгөх таны хариулал?
11
Зураг
БУРУУ
2
Зураг
ТЭНЭГЛЭЛ
Зураг
ЗӨВ, ГОЁ
Зураг
ХАХА
Зураг
ХӨӨРХӨН ЮМ
Зураг
ГАЙХМААР
Зураг
БАХАРХМААР
Зураг
ХАРАМСАЛТАЙ
ИЛГЭЭХ
БОЛИХ
Зураг
Баярлалаа
3 СЭТГЭГДЭЛТЭЙ
0/1000
Эхний
Сүүлийн
Шилдэг