Нийслэл хотод засвартай байгаа болон маргааш засварт орох авто замууд

Нийслэл хотод авто замын засвар, шинэчлэлийн ажил үргэлжилж байна. Замын хөгжлийн газраас мэдээлснээр өнөөдөр өглөөний/2025.05.26/ байдлаар дараах замуудын хөдөлгөөнийг хааж засвар хийж байгаа бол маргааш буюу тавдугаар сарын 27-нд хоёр байршлын замыг хаана.

Хөдөлгөөнийг хааж засварлаж байгаа авто замууд:

• Сонсголонгийн замын уулзвараас "ТЭЦ-IV"- ийн зүүн уулзвар хүртэлх уурын шугам, дулааны шугамын сувагчлал, холбооны шугамын сувагчлал, далангийн өргөсгөлтийн ухмал, гео тор дэвсэх, дүүргэлтийг хийж, хөдөлгөөнийг нээсэн. Эрчим хүчний гудамжны авто замын өргөтгөл, их засварын ажил үргэлжилж байна.

• Эрдэнэтолгойн уулзвараас Шархадны эцэс хүртэлх авто замыг хааж шинэчилж байна. Тавдугаар сарын 27-ны 05:00 цаг хүртэл хааж асфальт бетон хучилтын ажил хийнэ.
   
• Денверийн гудамж буюу Энхтайваны өргөн чөлөөнөөс Сэлбэ голын баруун эрэг дагуу Их тойруу хүртэлх 1.4 км авто замын зорчих хөдөлгөөнийг хааж, хучилтын ажил хийгдэж байна.
   
• Хайлаастын гудамжны засвар, шинэчлэлийн ажлын хүрээнд Хайлаастын шинэ эцсийн буудлаас Хаан банктай уулзвар хүртэлх авто замын асфальт бетон хучилт хийж байна.
   
• Хан-Уул дүүргийн 12 дугаар хороо, Морингийн авто замаас Ландфилийн талбай (төвлөрсөн хогийн цэг) хүртэлх авто замын барилгын ажил 2025 оны 5 дугаар сарын 5-ны өдрөөс эхэлсэн. Тус авто зам нь 1.5 км урт, зорчих хэсэг долоон метр өргөн, хоёр урсгал бүхий авто зам болон 2 талдаа 1.5 метр өргөн явган зам хийхээр төлөвлөгдсөн байгаа бөгөөд барилгын ажлыг “Эко эвсэг” ХХК гүйцэтгэж байна. Өнөөдрийн байдлаар нийт ажлын явц 20 хувьтай үргэлжилж байна. Есдүгээр сард ашиглалтад оруулна. 
   
• Сүхбаатар дүүргийн 12 дугаар хороо, 32-ын тойргоос “Сод Монгол” ШТС хүртэлх авто замыг шинэчилж байна.

• Толгойтын замыг Ард Аюушийн өргөн чөлөөтэй холбох авто зам, гүүрэн байгууламж бүхий 3.9 км авто зам

• Зайсангийн зүүн гүүр

• Баянгол дүүргийн 15 дугаар хороо, “Нарлаг” худалдааны төвийн зүүн талаас бичил 6 дугаар хороолол буюу 28 дугаар сургуулийн баруун хойд талд шинээр дулааны шугам угсрах ажлын хүрээнд “Хүрээ тулга” сургуулийн урд талаас 40 дүгээр сургуулийн хойд тал хүртэлх замыг 5 дугаар сарын 27-ны өглөөний 06:00 цаг хүртэл хаагдсан.
  

   

Маргааш буюу тавдугаар сарын 27-нд засварт орж, хаах авто замууд:

Өргөө кино театрын хойд уулзвараас зурагтын авто зам хүртэлх авто замыг хэсэгчлэн хааж шинэчилнэ

 

Баянгол дүүрэг, 11, 22, 23, 34-р хорооны нутаг дэвсгэр, Өргөө кино театрын хойд уулзвараас зурагтын авто зам хүртэлх 1.6 км урт авто замын засвар, шинэчлэлтийн ажлын 1-р хэсгийн ажил 620 метр авто замыг тавдугаар сарын 27-ны 22:00 цагаас тавдугаар сарын 29-ний 06:00 цагийн хооронд хааж авто замын зорчих хэсгийн тэгшилгээний үе, асфальт бетон хучилт, тэмдэглэгээний ажлыг хийнэ.

Баруун дөрвөн замын уулзвараас Гэсэр сүмийн уулзвар хүртэлх замыг хэсэгчлэн хааж шинэчилнэ

 

Баянгол дүүрэг, 16-р хороо, Чингэлтэй дүүрэг 2-р хорооны нутаг дэвсгэр, Их тойруу гудамжны авто замын хэсэгчилсэн засвар, шинэчлэлтийн ажлын хүрээнд ( Баруун дөрвөн замын уулзвараас Гэсэр сүмийн уулзвар ) хүртэлх авто замыг тавдугаар сарын 27-ны 22:00 цагаас тавдугаар сарын 31-ний 06:00 цагийн хооронд хааж авто замын зорчих хэсгийн асфальт бетон хучилт, тэмдэглэгээний ажлыг хийнэ.

Засвар хийж, хөдөлгөөнийг нээсэн авто замууд:

• Гранд плазагийн уулзвараас 11 дүгээр сургуулийн уулзвар хүртэлх авто зам

Нийслэлийн хэмжээнд 2025 онд 41 байршилд 74 км авто замыг шинэчлэх юм байна.