Х.Нямбаатар: Гар дээрх худалдаа, ТҮЦ-үүдийг газар доогуурх метроны буудалд байршуулна
Метро төслийн явцын талаар хотын дарга Х.Нямбаатар танилцуулав.
Тэрбээр "Метроны Техник, Эдийн Засгийн Үндэслэлийг/ТЭЗҮ/ өнөөдөр хийж дуусна. ТЭЗҮ-ийг хийж дууссаны дараа Замын хөгжлийн төв, Барилга хөгжлийн төвөөр магадлуулах юм. Богино жагсаалтад орсон 15 компанид ТЭЗҮ-ийн дагуу EPC/Зураг төсөл, Худалдан авалт, Барилга угсралт/ гэрээний эцсийн шалгаруулалтыг хийх урилгаа хүргүүлнэ. Гуравдугаар сарын 20-н гэхэд эдгээр компаниас санал авч дуусгана.
Метро төсөлд Их Британийн/ИБУИНВУ/ Засгийн газрын гурван тэрбум хүртэлх фунтийн баталгааг ашиглаж гаднын банк, санхүүгийн байгууллагуудаас 20 орчим жилийн хугацаатай санхүүжилт авна. Энэ тохиолдолд UKEF Монгол Улсын Засгийн газраас өрийн баталгаа шаардахгүй. Хоёрдугаар 5-ны өдөр "J.P.Morgan"-ы баг Улаанбаатарт ирж, санхүүжилтийн эхний хэлэлцээрийг эхлүүлнэ.
Метроны бүтээн байгуулалтын ажлыг энэ онд багтааж эхлүүлнэ. Хятад улс метроны 18 километр шугамыг 100% барихад 4-5 жилд хийсэн туршлага бий.
Улаанбаатар хотод метроны шугамыг 100% газар доогуур хийгдэж, гар дээрх худалдаа, ТҮЦ-үүдийг метроны буудалд байршуулна" гэв.
Зөвлөх үйлчилгээ үзүүлж буй БНСУ-ын “Духуа инженеринг” компанийн баг метроны шугамын нийт урт 17.7 км байсныг 19 км байхаар ТЭЗҮ-ийг шинэчилжээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
72 СЭТГЭГДЭЛТЭЙ
|
