Нэр дэвшигчид хэдийг хандивт авч, хэдийг зарцуулсныг "Сонгууль 2024" хуудаснаас харах боломжтой боллоо

УИХ-ын 2024 оны сонгуульд нэр дэвшигчдийн хандив болон сонгуулийн зардлын зарцуулалтын явцын тайланг аудитын байгууллагаас зургаадугаар сарын 26-ны байдлаар танилцууллаа. Нэр дэвшигч, нам, эвсэл авсан хандив болон сонгуулийн зардлын зарцуулалтын явцын тайланг Төрийн аудитын дээд байгууллага нийтэд ил болгох хуультай байдаг.

Өчигдрийн байдлаар тойрогт нэр дэвшиж буй 969 нэр дэвшигчээс 841 нь зардлын тайлангаа ирүүлжээ. Тайлангаас харвал сонгуульд хандив аваагүй, 1.1 тэрбум төгрөгийг зарцуулсан нь ч байна. 

841 нэр дэвшигчийн сонгуулийн зардлын зарцуулалт, болон иргэд, хувийн хэвшлийн өгсөн хандивын дэлгэрэнгүй жагсаалтыг манай сайтын "Сонгууль 2024" хуудаснаас нэр дэвшигч тус бүрээр нь үзэх боломжтой боллоо. 

Хураангуй тайлангаас доорх зүйлсийг харах боломжтой. Үүнд

• Нийт орлого
• Нийт зардал
• Үлдэгдэл
• Өр төлбөр
• Хуулиар зөвшөөрөгдөөгүй хандив гэх мэт..

Нэр дэвшигчийн мөнгөн хандивын тайланд:

• Хандивлагчийн төрөл
• Нэр
• Хандивын хэмжээ
• Эх үүсвэр
• Огноо зэрэг мэдээллийг багтаажээ.

 

 

"Сонгууль 2024" хуудсанд нэр дэвшигчдийн танилцуулга, хөрөнгө орлогын мэдээлэл, тухайн мандатын тоо болон хэчнээн нэр дэвшигч өрсөлдөж байгаа зэрэг нэгдсэн мэдээллийг ойлгомжтой байдлаар байршуулсан юм.