ФОТО: Акуа Гарден хотхоны захиалагчид нураах захирамжийг эсэргүүцлээ
ХУД-ийн 15-р хороонд байрлах "Акуа Гарден" хотхоны удирдлагуудад Нийслэлийн Засаг даргын Албадан буулгах захирамжийг Нийслэлийн Засаг даргын Эдийн засаг, дэд бүтцийн асуудал хариуцсан нэгдүгээр орлогч Ж.Сандагсүрэн өнөөдөр хүлээлгэн өгсөн билээ.
Энэ үеэр тус хотхоны захиалагчид байр сууриа илэрхийлснийг, фото сурвалжилгын хамт хүргэж байна.
Захиалагчдын төлөөлөл “Авлига хороолол гэдэг нэрийг шилэн цогоо гэдэг хүн өгсөн гэнэ лээ. Энэ захиалсан хүмүүс нэг ширхэг ч авлига авч үзээгүй жирийн иргэд байна. Битгий ингэж ард түмнээ доромжил.
Хоёрдугаарт би Ус цаг уурын байгууллагад 36 жил ажиллаад тэтгэвэртээ гарсан. Улсаас авсан хэдэн төгрөгийн тэтгэмж, өөрийн хураасан мөнгөөрөө хүүхдүүддээ хоёр өрөө бай авч үлдээх гээд судалгаа хийсэн. Тэгэхдээ Акуа гардены сурталчилгааг үзсэн. Байрлалыг нь ч үзсэн. Бүх бичиг баримтыг нь судалсан. Маш гоё төсөл байсан. Тэгээд захиалгаа жилийн өмнө өгсөн. Д.Сумьяабазар өмнө нь зөвшөөрөл өгсөн гэж ярихад нь баярласан. Гэтэл сая зун үер боллоо.
Энэ үеэр зөвхөн Монголд болоогүй. Уур амьсгалын өөрчлөлтөөс болоод дэлхий яаж өөрчлөгдөж байгааг та бүхэн харж байгаа. гамшиг ирвэл ямар ч хот дийлэхгүй. Ганцхан Акуа гарденаас болоод Улаанбаатар хот урсах гэж байгаа юм шигээр зунжин мэдээлэл явлаа” гэв.
Захиалагчдын төлөөлөл "Бид харамсаж байна. Энэ олон барилга байхад гуравхан барилга дээр та нар ирж байна. Та нар битгий сонгуулийн шоу хий. Очоод тэр голдирлыг нь хар. Хэрэв бидэнтэй уулзах гэж байгаа бол газар дээр нь уулз. Бид ажлын байран дээр чинь уулзахгүй" гэв.
ФОТО:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
