ФОТО: “Илүү их уншъя” уриатай номын баяр Төв талбайд гурав хоног үргэлжилнэ
Бүх нийтээр ном унших соёлыг түгээн дэлгэрүүлж, номоор дамжуулан хүүхэд залуусыг соён гэгээрүүлэх зорилготой Үндэсний номын баяр өнөөдөр төв талбайд эхэллээ. Номын баяр гурван өдөр үргэлжилнэ.
"Номын соёлт ертөнц" ТББ-аас зохион байгуулдаг энэхүү арга хэмжээ өдгөө 33 дахь удаагаа болж буй.
“Илүү их уншъя” уриан дор болж буй Үндэсний номын баяраар дараах арга хэмжээг зохион байгуулах юм байна.
Номын фэнүүдийн уулзалт, “Номын баяр – бидний аялал” автобустай аялал, асуулт хариултын тэмцээн, орон нутагт ном хандивлах аян, яруу найргийн уншлага болно.
Номын баярын судалгаанд оролцож, “Онцлох номууд”, “Эмэгтэйчүүдэд урам зориг өгөх 50 номын жагсаалт”, “Зүрхээ уншуулаарай” зэрэг хөтчөөс мэдээлэл авч, номын хавчуургын үзэсгэлэнгээр зочлох боломжтой байна.
Фото сурвалжилга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
