Хөгжлийн Банк оффисын үл хөдлөх хөрөнгийг зах зээлийн ханшаас дээгүүр буюу ₮26.7 тэрбумаар авчээ
Хөгжлийн Банкны гурван удаагийн сонсголоор шууд болон арилжааны банкуудаар дамжуулан олгосон долоон их наяд төгрөгийн зээлийн асуудлыг хэлэлцэж дууслаа.
Үргэлжлүүлэн Хөгжлийн Банкны үндсэн хөрөнгийн асуудлыг шинжээч танилцуулж байна.
Үүнтэй холбоотойгоор Хөгжлийн Банкнаас 2015 оны зургаадугаар сарын 15-ны өдрийн 52 дугаар тогтоолоор гэрээ байгуулах эрх олгох шийдвэр гаргасан байна.
Шийдвэрт Хөгжлийн Банкны ажлын байрны стандарт шаардлагад нийцсэн Сүхбаатар дүүргийн нэгдүгээр хороо, Энхтайвны өргөн чөлөө, 19 хаягт орших ХХБ-ны төв байрны 3,294 м.кв талбайтай үл хөдлөх эд хөрөнгийг тус банкны ажлын байрны зориулалтаар үндсэн хөрөнгөдөө 28.5 тэрбум төгрөг хүртэлх хөрөнгөөр худалдан авахыг гүйцэтгэх удирдлага Н.Мөнхбатад зөвшөөрсүгэй гэсэн байна.
Аудитын шалгалтаар:
Хөндлөнгийн үл хөдлөх хөрөнгийн үнэлгээний байгууллагаар 2015 онд Хөгжлийн Банкны худалдан авсан барилгад зах зээлийн бодит үнэ ханшийн үнэлгээ хийлгэхэд "Тус оны долдугаар сарын байдлаар 17.4 тэрбум төгрөг, 2018 оны дөрөвдүгээр сарын байдлаар зах зээлийн үнэ нь 14.9 тэрбум төгрөг байна" гэх дүгнэлт гарсан.
Харин 2015 онд Хөгжлийн Банкны 3,240 м.кв талбай бүхий хоёр давхар ажлын байрны зориулалттай үл хөдлөх хөрөнгө, 10 ширхэг авто зогсоолыг 27.6 тэрбум төгрөгөөр худалдан авчээ" гэдгийг хэлэв.
ШУУД ҮЗЭХ:
