• 12 сарын 21, Бямба
|
Уншиж байна ...
Зураг
Зураг
ХУУЧИРСАН МЭДЭЭ: 2023/02/01-НД НИЙТЛЭГДСЭН

ГРАФИК: Монгол Ардын Нам төрийн эрх барих үед манай улсын авлигын индекс урууддаг нь харагдлаа

Т.Саран, iKon.mn
2023 оны 2 сарын 1
iKon.MN
Зураг зураг
Гэрэл зургийг MPA агентлагийн онцгой зөвшөөрөлтэйгөөр ашиглав

Монгол Улс авлигын индексээр 180 орноос 116 дугаарт жагссан нь сүүлийн таван жил дэх хамгийн муу үзүүлэлт болсон талаар өмнө нь мэдээлсэн.

Энэ хугацаанд авлигын индекс нэмэгдсэн 10 орны тоонд Монгол багтжээ.

Манай улс авлигын индексээр 2010, 2011 онд Монгол Ардын Нам(МАН) засаглаж байх хугацаанд 116, 120-д эрэмбэлэгдэж байсан бол 2017-2022 онд мөн л 93-116 дугаарт жагсжээ. 

Харин Ардчилсан Нам(АН) засаглаж байх хугацаанд буюу 2012-2016 онд 180 улсаас 72-94 дугаарт эрэмбэлэгдсэн байна.

Сүүлийн 12 жилд манай улс авлигын индексээр 180 улсаас хэддүгээр байрт орсон болон тухайн үед аль нам төрийн эрх барьж байсан тухай мэдээллийг графикаар хүргэе.

График. Монгол Улс авлигын индексээр дэлхийд эзлэх байр

Дээрх графикаас харвал, Монгол Улс МАН төрийн эрх барих хугацаанд авлигын индексээр дэлхийд эзлэх байр нь тогтмол хойшилсон байна. Харин АН төрийн эрх барих хугацаанд байр дээшилсэн нь авлига буурч байсныг илтгэнэ.

Тухайн оны Авлигын төсөөллийн индекс 180 улс орон, бүс нутгийг эрэмбэлэхдээ төрийн салбарын авлигын төсөөллийн хэмжээг 13 шинжээчийн байгууллагуудын үнэлгээ болон бизнесүүдийн удирдлагуудаас авсан асуумж дээр үндэслэн гаргадаг. Үүнд 0-ээс (маш их авлигатай) 100 (цэвэр) онооны хэмжүүрээр үнэлдэг.

Манай улсын авлигын индексийн сүүлийн таван жилийн оноо 

  • 2017 онд 36 оноо авч, 180 улсаас 103 дугаар байрт 
  • 2018 онд 37 оноо авч, 180 улсаас 93 дугаар байрт 
  • 2019 онд 35 оноо авч, 180 улсаас 106 дугаар байрт 
  • 2020 онд 35 оноо авч, 180 улсаас 111 дүгээр байрт 
  • 2021 онд 35 оноо авч, 180 улсаас 110 дугаар байрт 
  • 2022 онд 33 оноо авч, 180 улсаас 116 дугаар байрт эрэмбэлэгдэж байна.