3х3 сагсан бөмбөгийн Монголын эрэгтэй, эмэгтэй шигшээ баг дэлхийн элсний наадамд оролцох болзлоо хангав
Индонезын Бали аралд 2023 оны наймдугаар сарын 5-12-ны өдрүүдэд Дэлхийн элсний наадам зохиогдоно.
Тус наадмын 3х3 сагсан бөмбөгийн тэмцээнд оролцох багуудыг зохион байгуулагчид зарлалаа. Тэмцээнд эрэгтэй, эмэгтэй тус бүр 16, нийт 32 баг баг өрсөлдөнө.
Арваннэгдүгээр сарын 1-нд гарсан дэлхийн чансаагаар тивдээ эхний дөрвөн байрт бичигдсэн багууд (Ази тивийн хувьд эхний гурав) наадамд шууд оролцох эрхтэй болсон байна. Ингэснээр тивийн чансааны нэг болон гуравдугаар байрт бичигдэж буй Монголын эрэгтэй, эмэгтэй сагсчид уг журмын дагуу наадамд оролцох эрхтэй боллоо.
Тухайлбал, эрэгтэйчүүдийн тэмцээнд Монгол, Япон, БНХАУ, АНУ, Чили, Доминикан, Пуэрто-Рико, Египет, Бенин, Тунис, Кени, Литва, Франц, Польш, Израиль болон зохион байгуулагч Индонезын шигшээ наадамд өрсөлдөх болзлоо хангаад байна.
Харин эмэгтэйчүүдийн тэмцээнд БНХАУ, Япон, Монгол, АНУ, Венесуэл, Чили, Доминикан, Египет, Тунис, Кени, Уганда, Франц, Герман, Нидерланд, Литва болон зохион байгуулагч Индонезын шигшээ өрсөлдөхөөр боллоо.
2019 онд Катарын Доха хотод болсон өмнөх элсний наадмаас 3х3 сагсны эрэгтэй шигшээ хүрэл медаль хүртэж байв.
Ирэх жилийн наадамд манай улс 3х3 сагсан бөмбөгөөс гадна элсний бөх, элсний волейболын төрлөөр эрхээ аван оролцох боломжтой хэмээн Монголын Үндэсний Олимпын Хорооноос мэдээллээ.
