СТАТИСТИК: Энэ онд бизнес, эрх зүйгээр хамгийн их, хөдөө аж ахуйн чиглэлээр хамгийн цөөн оюутан төгсөж байна

Гэрэл зургийг MPA агентлагийн онцгой зөвшөөрөлтэйгөөр ашиглав

Дээд боловсролын өнөөгийн нөхцөл байдлыг өчигдөр болсон2021-2022 оны нэгдсэн хурлын үеэр танилцууллаа.  

Улсын хэмжээнд дээд боловсролын 88 байгууллага бий. Үүнээс

• 38 нь их,
• 47 нь дээд сургууль,
• гурав нь коллеж юм.

Эдгээрт нийт 148,954 суралцагч суралцаж байна гэж системд бүртгэгдсэн байгаа аж. Оюутнуудыг суралцаж буй төвшнөөр үзвэл

• Дипломын боловсрол 3,155
• Бакалавр 117,037
• Магистр 25,300
• Докторын боловсролын хөтөлбөрт 3,432 хүн суралцаж байгаа юм.

Энэ онд 31,161 хүн дээд боловсрол эзэмшин сургуулиа дүүргэж байна. Төгсөгчдийг эзэмшиж буй мэргэжлийн төрлөөр нь авч үзвэл, энэ оны төгсөгчдийн хамгийн их буюу 9,794 нь бизнес, удирдахуй, хууль, эрх зүйн чиглэлийг сонгон суралцжээ. Харин хамгийн бага буюу 407 нь хөдөө аж ахуй, ой, загасны аж ахуй, мал эмнэлгийн чиглэлийн мэргэжилтэн болж байна.

График, Их, дээд сургууль төгсөж буй оюутнуудын эзэмшсэн мэргэжил, 2022 он