Боловсрол, Шинжлэх Ухааны Яам(БШУЯ)-ны ажлын хэсэг орон нутагт ажиллаж, төсвийн шинэчлэлийн хүрээнд хийгдэж буй ажлуудыг танилцуулж байна.
Тухайлбал, БШУЯ-ны төсвийн шинэчлэлийн ажлын хэсэг Говьсүмбэр аймагт өчигдөр ажиллав. Төсвийн шинэчлэлийн хүрээнд багш нарын цалин урамшууллын тогтолцоог хэрхэн бүрдүүлсэн, хувьсах зардлын задаргаа, багш нарын хичээл практикийн зардал, дата хэрэглээний мөнгийг хэрхэн бодож олгох талаар ажлын хэсгийн гишүүд зөвлөж байгаа юм. Ажлын хэсгийн уулзалтад 200 гаруй багш ажилтан хамрагдлаа.
Түүнчлэн “Чадварлаг багш” журам боловсруулан баталж, 2021 онд сурлагын чанарын ахиц, амжилттай 74 багшийг 18 сая төгрөгөөр урамшуулжээ.
Говьсүмбэр аймаг ерөнхий боловсролын таван сургууль, 10 цэцэрлэг, нэг политехник коллежтой. ЕБС-д дөрвөн мянга гаруй сурагч , цэцэрлэгт 1,500 орчим хүүхэд, политехник коллежид 461 оюутан суралцаж байна.
БШУЯ-ны ажлын хэсэг мөн Дорноговь, Баянхонгор аймагт ажиллаж, төсвийн шинэчлэлийн хүрээнд хийгдэх ажлуудыг танилцуулжээ.
Эх сурвалж: БШУЯ