НИТХ-ын даргын зөвлөх Хөгжлийн банкнаас ах, дүүсийнхээ компаниар ₮13.8 тэрбумыг авсан ч төлөөгүй байна
Хөгжлийн банкны чанаргүй зээлийн ангилалд багтсан зээлүүдийг цувралаар танилцуулж байна.
НИТХ-ын даргын зөвлөх Ш.Үнэнбатын хувь эзэмшдэг “Бармон” компани Хөгжлийн банкнаас гаргасан чанаргүй зээлдэгчийн жагсаалтад бичигджээ.
Тус компани Хөгжлийн банкнаас 2019 оны арванхоёрдугаар сарын 23-нд 13,837,520,380 төгрөгийн зээл авсан байна. Өнөөдрийн байдлаар зээлийн үлдэгдэл нь 17,064,787,299 төгрөг болсон тул Хөгжлийн банк тус компанийг шүүхэд өгөөд байгаа.
Ш.Үнэнбат нь “Бармон” компанийн хувьцааны 14 хувийг эзэмшдэгээ хөрөнгө орлогын мэдүүлэгтээ дурдсан байна.
Бүртгэлийн байгууллагын нээлттэй мэдээллээс харахад тус компанийг төрсөн ах дүүс хамтран эзэмшдэг аж.
Ш.Үнэнбат нь 2016-2020 онд НИТХ-ын төлөөлөгчөөр ажилласан.
2005 онд Бармон ХХК-ийн дэд захирал,
2011 онд Бармон компанийн захирал,
2015 онд Бармон трейд ХХК-ийн ТУЗ-ийн даргаар ажиллаж байжээ.
Завхан аймгийн Идэр сумын уугуул тэрбээр Нийслэлийн Морин спорт уяачдын холбооны тэргүүлэгчээр сонгогдож байсан аж.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
24 СЭТГЭГДЭЛТЭЙ
|
